NAAT-URDU

کیا بتاؤں کہ کیا مدینہ ہے بس میرا مُدّعا مدینہ ہے اٹھ کے جاؤں کہاں مدینے سے کیا کوئی دوسرا مدینہ ہے اُس کی آنکھوں کا نور تو دیکھو جس کا دیکھا ہوا مدینہ ہے دل میں اب کوئی آرزو ہی نہیں یا محمّد ہے یا مدینہ ہے دنیا والے تو درد دیتے ہیں زخمی دل کی دوا مدینہ ہے دنیا والے تو درد دیتے ہیں دردِ دل کی دوا مدینہ ہے میرے آقا ! مجھے بلا لیجے مجھ کو بھی دیکھنا مدینہ ہے دل فدا ہے مدینے والے پر دل منوّر میرا مدینہ ہے نعت خواں: اسد رضا عطّاری حافظ غلام مصطفیٰ قادری ذوہیب اشرفی علّامہ حافظ بلال قادری हिन्दी ENG اردو

عطا کر، اے خدا ! صدقہ علی زہرا کی شادی کا رہے اِس شادی پر سایا علی زہرا کی شادی کا جو رشتہ ہونے والا ہے، وہ جنّت تک رہے قائم تجھے ہے واسطہ، مولیٰ ! علی زہرا کی شادی کا مبارک ہو مبارک ہو تمہیں، دولہا ! مبارک ہو تمہاری شادی میں چرچا علی زہرا کی شادی کا نظر آتے ہیں جو چاروں طرف سیّد زمانے میں بتاؤ صدقہ ہے کس کا ؟ علی زہرا کی شادی کا دعائیں دے رہی ہیں حوریں جنّت سے، اے صِدّیقی ! کیا جب تذکرہ مولیٰ علی زہرا کی شادی کا شاعر: عقیل رضا صِدّیقی نشید خواں: عقیل رضا صِدّیقی

دنیا کے اے مسافر ! منزل تیری قبر ہے طے کر رہا ہے جو تو دو دن کا یہ سفر ہے جب سے بنی ہے دنیا لاکھوں کروڑوں آئے باقی رہا نہ کوئی، مٹّی میں سب سمائے اس بات کو نہ بھولو، سب کا یہی حشرہے دنیا کے اے مسافر ! منزل تیری قبر ہے طے کر رہا ہے جو تو دو دن کا یہ سفر ہے آنکھوں سے تو نے اپنی دیکھے کئی جنازے ہاتھوں سے تو نے اپنے دفنائے کتنے مردے انجام سے تو اپنے کیوں اتنا بے خبر ہے دنیا کے اے مسافر ! منزل تیری قبر ہے طے کر رہا ہے جو تو دو دن کا یہ سفر ہے یہ عالی شان بنگلے کسی کام کے نہیں ہیں محلوں میں سونے والے مٹی میں سو رہے ہیں دو گز زمیں کا ٹکڑا چھوٹا سا تیرا گھر ہے دنیا کے اے مسافر ! منزل تیری قبر ہے طے کر رہا ہے جو تو دو دن کا یہ سفر ہے مخمل پے سونے والے مٹّی میں سو رہے ہیں شاہ وگدا یہاں پر سب ایک ہو رہے ہیں دونوں ہوئے برابر، یہ موت کا اثر ہے دنیا کے اے مسافر ! منزل تیری قبر ہے طے کر رہا ہے جو تو دو دن کا یہ سفر ہے مٹّی کے پتلے ! تو نے مٹّی میں ہے سمانا اک دن یہاں تو آیا، اک دن یہاں سے جانا رکنا نہیں یہاں پر، جاری تیرا سفر ہے دنیا کے اے مسافر ! منزل تیری قبر ہے طے کر رہا ...

نہیں ہے کوئی دنیا میں ہمارا، یا رسول اللہ ! ہمیں تو آپ ہی کا ہے سہارا، یا رسول اللہ ! سراپا مَعصِیَت ہوں، بار ہے بیحد گناہوں کا بچانا نارِ دوزخ سے خدارا، یا رسول اللہ ! ہوں سر سے پاؤں تک ڈوبا ہوا غم کے سمندر میں نہیں آتا نظر کوئی کنارا، یا رسول اللہ ! تلاطم خیز ہے دریا، بھنور میں ہے میری کشتی نظر آتا نہیں کوئی کنارا، یا رسول اللہ ! تڑپتا ہے میرا دل اور ترستی ہیں بہت آنکھیں بلا لو اب مدینے میں دوبارہ، یا رسول اللہ ! تڑپتا ہے یہ دل میرا، ترستی ہیں میری آنکھیں بلا لو اب مدینے میں دوبارہ، یا رسول اللہ ! خدا جب آپ سے فرمائے، لاؤ اپنی امّت کو ہماری سمت بھی کرنا اشارہ، یا رسول اللہ ! فقط اعمال کے بدلے نہ پائیگا کوئی جنت نہ ہوگا آپ کا جب تک اشارہ، یا رسول اللہ ! بہ روزِ حشر میرے اِس یقیں کی لاج رکھ لینا تمہارا ہوں، تمہارا ہوں، تمہارا یا رسول اللہ ! حقیقت میں بہت بڑھ کر کے ہے عرشِ معَلّیٰ سے زمیں جس پر ہو نقش پا تمہارا، یا رسول اللہ ! دمِ آخر ذرا مشتاق پر اتنا کرم کرنا کہ اس کے لب پے ہو کلمہ تمہارا، یا رسول اللہ ! نعت خواں: خالد حسنین خالد وقّار اعظم قادری عابد رؤف قا...

دل تڑپنے لگا، آنکھ رونے لگی مصطفٰی جانِ رحمت کی یاد آ گئی جب گھٹا چھائی برسات ہونے لگی مصطفٰی جانِ رحمت کی یاد آ گئی اُلجھنوں نے زمانے کی الجھا دیا میرے اپنوں نے بھی مجھ کو ٹھکرا دیا دنیا تعنوں کے نشتر چبھونے لگی مصطفٰی جانِ رحمت کی یاد آ گئی کون ہمدرد ہے میرا، جاؤں کہاں سوچتا تھا سناؤں کسے داستاں زندگی غم کے موتی پِرونے لگی مصطفٰی جانِ رحمت کی یاد آ گئی فکر کا سارا پانی اترنے لگا غم کے دریاؤں سے میں ابھرنے لگا کشتئ زندگی جب ڈبونے لگی مصطفٰی جانِ رحمت کی یاد آ گئی یہ محبت ہے، اِس میں تڑپنا بھی ہے دیر ہے پر مدینے کو جانا بھی ہے تھک کے جب مُفلِسی رو کے سونے لگی مصطفٰی جانِ رحمت کی یاد آ گئی اے سعید ! عِشق میں یہ مقام آ گیا میرے ہونٹوں پے طیبہ کا نام آ گیا یاد طیبہ کی پلکیں بھگونے لگی مصطفٰی جانِ رحمت کی یاد آ گئی شاعر: سعید اختر جوکھنپوری نعت خواں: سعید اختر جوکھنپوری हिन्दी ENG اردو

تمہارے رخ پر جمی ہیں آنکھیں، میں کیسے رخ سے ہٹاؤں اکھیاں قسم خدا کی بڑے حسیں ہو، میں کیسے آخر ملاؤں اکھیاں نماز پڑھنے کو میں تھا آیا، تمہیں جو دیکھا تو پڑھ لی میں نے تمہاری صورت ہے میرے آگے، میں کیسے اپنی جھکاؤں اکھیاں جدھر بھی جاؤں، جدھر بھی دیکھوں، تمہارے چرچے، تمہارے جلوے تمہیں بسے ہو میری نظر میں، کسی کو کیوں میں دکھاؤں اکھیاں یہ بات، حاکم ! میں سوچتا ہوں کہ خود مصوِّر نے پوچھا ہوگا میں نقش تیرے بنا رہا ہوں، بتاؤ کیسی بناؤں اکھیاں شاعر: احمد علی حاکم نعت خواں: احمد علی حاکم محمّد عادل قریشی سیّد عبدل وصی قادری

ہر دل میں جو رہتے ہیں، وہ میرے محمّد ہیں جو رب کو بھی پیارے ہیں، وہ میرے محمّد ہیں ہر دل میں جو رہتے ہیں، وہ میرے محمّد ہیں محبوب خدا کے ہیں، وہ میرے محمّد ہیں یہ شان ہے بچپن کی، اُنگلی کے اشارے سے جو چاند ہلاتے ہیں، وہ میرے محمّد ہیں سیرت ہے بڑی پیاری، اخلاق بھی اعلیٰ ہے دشمن بھی جو مانے ہیں، وہ میرے محمّد ہیں قربان سماعت پر جو جانوروں کی بھی بولی کو سمجھتے ہیں، وہ میرے محمّد ہیں معراجِ نبی ایسی، اللہ کو دیکھ آئے اعزاز یہ رکھتے ہیں، وہ میرے محمّد ہیں کُفّار بھی حیراں ہیں کہ پیڑ کھجوروں کا بِن بیج اگاتے ہیں، وہ میرے محمّد ہیں گھبراؤ نہ، دیوانو ! جو دل میں ہے وہ مانگو ہر بات جو سنتے ہیں، وہ میرے محمّد ہیں پروان ! کتابوں میں غیروں نے بھی لکّھا ہے دنیا میں جو سچّے ہیں، وہ میرے محمّد ہیں شاعر: محمد شفیق اللہ یار پروان نعت خواں: حافظ طاہر قادری محمد حسان رضا قادری جویریا سلیم हिन्दी ENG اردو

دلوں کے گلشن مہک رہے ہیں، یہ کیف کیوں آج آ رہے ہیں کچھ ایسا محسوس ہو رہا ہے، حضور تشریف لا رہے ہیں نوازشوں پر نوازشیں ہیں، عنایتوں پر عنایتیں ہیں نبی کی نعتیں سنا سنا کر ہم اپنی قسمت جگا رہے ہیں کہیں پہ رونق ہے میکشوں کی، کہیں پہ محفل ہے دل جلوں کی یہ کتنے خوش بخت ہیں جو اپنے نبی کی محفل سجا رہے ہیں نہ پاس پی ہو تو سونا ساون، وہ جس پے راضی وحی سہاگن جنہوں نے پکڑا نبی کا دامن، انہی کے گھر جگمگا رہے ہیں کہاں کا منصب، کہاں کی دولت، قسم خدا کی ! یہ ہے حقیقت جنہیں بلایا ہے مصطفٰی نے وہی مدینے کو جا رہے ہیں حبیبِ داور، غریب پرور، رسولِ اکرم، کرم کے پیکر کسی کو در پہ بلا رہے ہیں، کسی کے خوابوں میں آ رہے ہیں میں اپنے خير الورىٰ کے صدقے، میں ان کی شانِ عطا کے صدقے بھرا ہے عیبوں سے میرا دامن، حضور پھر بھی نبھا رہے ہیں گدا کی اوقات ہے ہی کتنی، حقیقتاً ہے یہ بات اِتنی خدا ہے دیتا نبی کا صدقہ، نبی کا صدقہ ہی کھا رہے ہیں جہاں پہ میں اب کھڑا ہوا ہوں، یہ ذکرِ سرور کی برکتیں ہیں میں اُن کا مشتاق ہوں ازل سے، جو سب کی بگڑی بنا رہے ہیں بنے گا جانے کا پھر بہانہ، کہے گا آ کر کوئی دیوانہ ...

کاش ! وہ چہرہ میری آنکھ نے دیکھا ہوتا مجھ کو تقدیر نے اُس دور میں لکّھا ہوتا باتیں سنتا میں کبھی، پوچھتا معنی اُن کے آپ کے سامنے اصحاب میں بیٹھا ہوتا آیتیں ابر ہیں اور دشت زمانے سارے ہم کہاں جاتے اگر پیاس نے گھیرا ہوتا ہر سیاہ رات میں سورج ہیں حديثيں اُن کی وہ نہ آتے تو زمانے میں اندھیرا ہوتا فخری ! جب مسجدِ نبوی میں اذانیں ہوتیں میں مدینے سے گزرتا ہوا جھونکا ہوتا شاعر: زاہد فخری نعت خواں: سید منظور الکونین سید زبیب مسعود हिन्दी ENG اردو

پڑا ہوں در پہ تیرے مثلِ کاہ، یا زہرا ! ملے فقیر کو خیراتِ جاہ، یا زہرا ! نہ پھیر آج مجھے اپنے در سے تو خالی کہ تیرے بابا ہیں شاہوں کے شاہ، یا زہرا ! تو بادشاہِ دو عالم کی ایک شہزادی میں اک غریب تیری گردِ راہ، یا زہرا ! بھروں تو کیسے بھروں دم تیری غلامی کا بہت بڑی ہے تیری بارگاہ، یا زہرا ! تیرے حسین کا کردار دیکھ کر اب تک پکارتے ہیں ملک واہ واہ، یا زہرا ! ہیں جن کے نور سے امّت کے روز وشب روشن حسن حسین تیرے مہر و ماہ، یا زہرا ! بروز حشر نہ پرساں ہو جب کوئی اس کا ملے نصیر کو تیری پناہ، یا زہرا ! شاعر: پیر نصیرالدین نصیر نعت خواں: سیّد فصیح الدین سہروردی