جو نہ ہوتا تیرا جمال ہی | صلّو علیہ وآلہٖ | Jo Na Hota Tera Jamal Hi Lyrics in Urdu
جو نہ ہوتا تیرا جمال ہی صَلُّو عَلَیْہِ وَآلِہٖ جو نہ ہوتا تیرا جمال ہی تو جہاں تھا خواب و خیال ہی صَلُّو عَلَیْہِ وَآلِہٖ مہ و مہر میں تیری روشنی ہُوئی ختم تجھ پہ پیمبری نہیں تجھ سا تیرے سِوا کوئی کرے کون تیری برابری یہ نہیں کسی کی مجال ہی صَلُّو عَلَیْہِ وَآلِہٖ نہ فصیل ہے، نہ محل سرا تیرا فرش ہے وہی بوریا تیرے جسمِ پاک پہ اِک قبا وہ بھی تار تار ہے جا بجا تیری سادگی ہے کمال ہی صَلُّو عَلَیْہِ وَآلِہٖ تُو خلیل ہے، تُو کلیم ہے تُو رَؤُف ہے، تُو رحیم ہے تُو حبیبِ ربِّ کریم ہے تیری شان سب سے عظیم ہے نہیں کوئی تیری مثال ہی صَلُّو عَلَیْہِ وَآلِہٖ تُو کلیم ہے، تُو کریم ہے تُُو رَؤُف ہے، تو رحیم ہے تو حبیبِ ربِّ کریم ہے تیری شان سب سے عظیم ہے نہیں کوئی تیری مثال ہی صَلُّو عَلَیْہِ وَآلِہٖ شاعر: تنویر نقوی نعت خواں: زبیدہ خانم یشفین اجمل شیخ سیدہ اریبہ فاطمہ हिन्दी ENG اردو