NAAT-URDU

لَا اِلٰهَ اِلَّا اللّٰه ! لَا اِلٰهَ اِلَّا اللّٰه ! لَا اِلٰهَ اِلَّا اللّٰه ! لَا اِلٰهَ اِلَّا اللّٰه ! خُدا کی رضا چاہتے ہیں دُو عالَم خُدا چاہتا ہے رضائے محمّد محمّد بَرائے جَنابِ اِلٰہی جَنابِ اِلٰہی بَرائے محمّد کرتے ہیں آؤ ذِکرِ خُدا ایمان بھی ہو جائے تازہ پا جائیں ہم بھی رب کی رضا پڑھو لَا اِلٰهَ اِلَّا اللّٰه پڑھو لَا اِلٰهَ اِلَّا اللّٰه ہیں محمّد پاک رَسُولُ اللّٰه پڑھو لَا اِلٰهَ اِلَّا اللّٰه دُنیا کو پڑھا کے درسِ وفا جاں دینِ نبی پہ کر کے فِدا یہ ابنِ علی نے سب سے کہا پڑھو لَا اِلٰهَ اِلَّا اللّٰه پڑھو لَا اِلٰهَ اِلَّا اللّٰه ہیں محمّد پاک رَسُولُ اللّٰه پڑھو لَا اِلٰهَ اِلَّا اللّٰه صَحراؤں میں، سُنسانوں میں غزوات کے سب میدانوں میں اصحابِ نبی کی تھی یہ صَدا پڑھو لَا اِلٰهَ اِلَّا اللّٰه پڑھو لَا اِلٰهَ اِلَّا اللّٰه ہیں محمّد پاک رَسُولُ اللّٰه پڑھو لَا اِلٰهَ اِلَّا اللّٰه سب رنج و اَلم ٹل جائیں گے دِل چین تمہارے پائیں گے گر چاہتے ہو ہر دُکھ سے شِفا پڑھو لَا اِلٰهَ اِلَّا اللّٰه پڑھو لَا اِلٰهَ اِلَّا اللّٰه ہیں محمّد پاک رَسُولُ اللّ...

تو کريم ہی جو ٹھہرا، تو کرم کے کيا ٹھکانے تو نوازنے پہ آئے، تو نواز دے زمانے مولا ! شبِ برات ہے، توبہ قبول ہو ہم عاصيوں پہ عفو و کرم کا نزول ہو يہ مغفرت کی رات ہے، غافل نہ ہوئيے عيّاشيوں ميں آج نہ يہ شب گُزاريے ہر جرم بخش دے گا خُدا آج باليقيں کچھ قطرے آنسو خوفِ خُدا سے بہائیے مولا ! شبِ برات ہے، توبہ قبول ہو ہم عاصيوں پہ عفو و کرم کا نزول ہو در پر خُدا کے آئيں کہ توبہ کی رات ہے سجدے ميں سر جُھکائيں کہ توبہ کی رات ہے رو رو کے، گڑگڑا کے معافی طلب کريں بخشے گا رب خطائيں کہ توبہ کی رات ہے مولا ! شبِ برات ہے، توبہ قبول ہو ہم عاصيوں پہ عفو و کرم کا نزول ہو مولا ! ميں شرمسار ہُوں اپنے گُناہ پر مجھ کو شبِ برات کے صدقے معاف کر مولا ! يہ مانتا ہوں گنہگار ہوں مگر قربان جان و دل سے ہوں تيرے حبيب پر مولا ! شبِ برات ہے، توبہ قبول ہو ہم عاصيوں پہ عفو و کرم کا نزول ہو ابرِ کرم ميں آج نہانے کی رات ہے سويا ہُوا نصيب جگانے کی رات ہے پڑھ کے نماز، کر کے گُناہوں سے توبہ آج خَلّاقِ دو جہاں کو منانے کی رات ہے مولا ! شبِ برات ہے، توبہ قبول ہو ہم عاصيوں پہ عفو و کرم کا نزول ہو اے س...

مولا مولا ! میرے مولا مولا ! میرے مولا مولا ! میرے مولا ! مولا مولا ! میرے مولا مولا ! میرے مولا مولا ! میرے مولا ! بخش دے مجھ کو، خدایا ! بخش دے مجھ کو، خدایا ! میرے مولا ! میرے مولا ! میرے مولا ! میرے مولا ! تیرے در پر یہ تیرا بندہ چلا آیا میں عاصی ہوں، میں مجرم ہوں، تو ہے رحمان مولا ! میری اِک ایک دھڑکن کا تو ہے نگران مولا ! اگر چاہے تُو، مولا ! پھر سبھی آسانیاں ہیں وگرنہ رائیگاں میری سبھی قربانیاں ہیں تو میرے حال پر اپنے کرم کا کر دے سایہ بخش دے مجھ کو، خدایا ! بخش دے مجھ کو، خدایا ! میرے مولا ! میرے مولا ! میرے مولا ! میرے مولا ! تیرے دربار میں دِل سے میں توبہ کر رہا ہُوں تو قادِر ہے، میں تیرے اِس غضب سے ڈر رہا ہُوں بھٹک چُکا تھا آخر پر، خدا ! اب لوٹ آیا ہُوں کہ اپنی آنکھ میں اشکِ ندامت بھر کے لایا ہُوں کہ تیری بارگاہ میں حالِ دل میں نے سُنایا بخش دے مجھ کو، خدایا ! بخش دے مجھ کو، خدایا ! میرے مولا ! میرے مولا ! میرے مولا ! میرے مولا ! مولا مولا میرے ! مولا مولا میرے ! مولا مولا میرے مولا ! مولا مولا میرے ! مولا مولا میرے ! مولا مولا میرے مولا ! شاعر: ...

اے شہنشاہِ مدینہ ! اَلصَّلٰوۃُ وَالسَلَام زینتِ عرشِ مُعَلّٰی ! اَلصَّلٰوۃُ وَالسَلَام رَبِّ ھَبْ لِی اُمّتِی کہتے ہوئے پیدا ہوئے حق نے فرمایا کہ بخشا اَلصَّلٰوۃُ وَالسَلَام دست بستہ سب فرشتے پڑھتے ہیں ان پر دُرود کیوں نہ ہو پھر وِرد اپنا اَلصَّلٰوۃُ وَالسَلَام مومنو ! پڑھتے نہیں کیوں اپنے آقا پر دُرود ہے فرشتوں کا وظیفہ اَلصَّلٰوۃُ وَالسَلَام مومنو ! پڑھتے رہو تم اپنے آقا پر دُرود ہے فرشتوں کا وظیفہ اَلصَّلٰوۃُ وَالسَلَام بُت شِکن آیا یہ کہہ کر، سر کے بل بُت گِر گئے جھوم کر کہتا تھا کعبہ اَلصَّلٰوۃُ وَالسَلَام سر جھکا کر بااَدب عشقِ رَسُولُ اللہ میں کہہ رہا تھا ہر سِتارہ اَلصَّلٰوۃُ وَالسَلَام غنچے چٹکے، پھول مہکے، چہچہائیں بُلبُلیں گُل کِھلا باغِ اَحَد کا اَلصَّلٰوۃُ وَالسَلَام میں وہ سُنّی ہوں، جمیلِ قادری ! مرنے کے بعد میرا لاشہ بھی کہے گا اَلصَّلٰوۃُ وَالسَلَام شاعر: مولانا جمیل الرحمٰن رضوی قادری نعت خواں: سید فصیح الدین سہروردی اویس رضا قادری हिन्दी ENG اردو

يا اللّٰہُ ! يا اللّٰہُ ! يا اللّٰہُ اللّٰہ ! تیرے رنگ رنگ، تیرے رنگ رنگ تیرے رنگ رنگ، تیرے رنگ رنگ ہر سُو، ہر جا ہر سُو، ہر جا تیرے رنگ رنگ، تیرے رنگ رنگ تیرے رنگ رنگ، تیرے رنگ رنگ تُو نے عطا کِیا، میں نے بُھلا دِیا تُو نے پھر سے دِیا، نہ شُکر کِیا تُو نے اور دِیا، دیتا ہی گیا مُنہ موڑ دِیے دریاؤں کے میں نے ہوا میں اُڑنا سیکھ لِیا میری اگلی نظر سِتاروں پر پھر بھی میں تیرے سَہاروں پر تیرے رنگ رنگ، تیرے رنگ رنگ تیرے رنگ رنگ، تیرے رنگ رنگ میں جہاں بھی جاؤں دُنیا میں تیرے جلوے میرے سنگ سنگ تیرے رنگ رنگ، تیرے رنگ رنگ تیرے رنگ رنگ، تیرے رنگ رنگ میں ذات پات میں، اُونچ نِیچ میں اور فِرقوں میں بٹا ہُوا جو سچّائی کو دُھندلا دے دِل ایسی گَرد سے اٹا ہُوا شِکوه نہيں جِسم کی مِٹّی سے اور رُوح بھی اب بے تاب نہيں تیرے حُکم په چلنا ایک طرف تیرا نام بھی لينا ياد نہيں کم سے کم مُجھ کو لَوٹا دے شیطان اور نفس کی جنگ جنگ تیرے رنگ رنگ، تیرے رنگ رنگ تیرے رنگ رنگ، تیرے رنگ رنگ میں جہاں بھی جاؤں دُنیا میں تیرے جلوے میرے سنگ سنگ تیرے رنگ رنگ، تیرے رنگ رنگ تیرے رنگ رنگ، تی...

اللّٰہُ جَلَّ جَلَالُہٗ اللّٰہُ جَلَّ جَلَالُہٗ تیری شان عمَّ نَوَالُہٗ اللّٰہُ جَلَّ جَلَالُہٗ اللّٰہُ جَلَّ جَلَالُہٗ ہے میری زبان پہ ذکرِ ھُو اللّٰہُ جَلَّ جَلَالُہٗ اللّٰہُ جَلَّ جَلَالُہٗ تیرے نام پر، اے میرے خُدا ! میرا دل فِدا، میری جاں فِدا میری رُوح کی ہے یہی غِذا تیرا نام لب پہ رہے سدا ہو تیری رِضا میری آرزُو اللّٰہُ جَلَّ جَلَالُہٗ اللّٰہُ جَلَّ جَلَالُہٗ تیری شان عمَّ نَوَالُہٗ اللّٰہُ جَلَّ جَلَالُہٗ اللّٰہُ جَلَّ جَلَالُہٗ تجھے بے نیازی کا واسطہ ہو قَبُول یہ میری اِلتجا کہ برائے احمدِ مُجتبیٰ ہو مُعاف میری ہر اِک خطا سرِ حشر رکھ میری آبرُو اللّٰہُ جَلَّ جَلَالُہٗ اللّٰہُ جَلَّ جَلَالُہٗ تیری شان عمَّ نَوَالُہٗ اللّٰہُ جَلَّ جَلَالُہٗ اللّٰہُ جَلَّ جَلَالُہٗ نہ حساب روزِ حساب ہو میرے دائیں ہاتھ کِتاب ہو میرے لب پہ نعتِ جناب ہو نہ سوال ہو نہ جواب ہو میں رہوں حضور کے رُو بَرُو اللّٰہُ جَلَّ جَلَالُہٗ اللّٰہُ جَلَّ جَلَالُہٗ تیری شان عمَّ نَوَالُہٗ اللّٰہُ جَلَّ جَلَالُہٗ اللّٰہُ جَلَّ جَلَالُہٗ میں گُناہ گار ہوں، اے خُدا ! کوئی نیک کام...

نبی کے عشق میں ڈھل کر نبی کی نعت پڑھتے ہیں جو عاشق ہیں وہی اکثر نبی کی نعت پڑھتے ہیں نظر اپنی جما کر گنبدِ خضرا کی رنگت پر مدینے پاک کے منظر نبی کی نعت پڑھتے ہیں ذرا انداز تو دیکھے کوئی زھرا کے بیٹے کا کٹا کے رن میں اپنا سر نبی کی نعت پڑھتے ہیں ہے آغوشِ پدر، مُسکان لب پر، تیر ظالم کا عجب ماحول میں اصغر نبی کی نعت پڑھتے ہیں امام احمد رضا کا عشق بھی کتنا نِرالا ہے اُٹھا کر بہر سے لنگر نبی کی نعت پڑھتے ہیں ٹِھکانے اُن کے دُشمن کو لگاتے ہیں رضا والے بدل کے اپنا جب تیور نبی کی نعت پڑھتے ہیں کمال اِس میں اسد کا کچھ نہیں ہے نعت کی برکت جو برسوں سے سرِ منبر نبی کی نعت پڑھتے ہیں شاعر: اسد اقبال کلکتوی نعت خواں: اسد اقبال کلکتوی हिन्दी ENG اردو

سارے نبیوں کے عہدے بڑے ہیں لیکن آقا کا منصب جُدا ہے وہ امامِ صفِ انبیاء ہیں اُن کا رُتبہ بڑوں سے بڑا ہے کوئی لفظوں میں کیسے بتا دے، اُن کے رُتبے کی حد ہے تو کیا ہے ہم نے اپنے بڑوں سے سُنا ہے، صرف اللہ اُن سے بڑا ہے نام جنّت کا تم نے سُنا ہے، میں نے اس کا نظارہ کِیا ہے میں یہاں سے تمہیں کیا بتا دُوں، اُن کی نگری کی گلیوں میں کیا ہے کتنا پیارا ہے موسم وہاں کا، کتنی پُرکیف ساری فضا ہے تم میرے ساتھ خود چل کے دیکھو گردِ طیبہ بھی خاکِ شفا ہے وہ جو اِک شہرِ نورالہدیٰ ہے، جلوه گاہوں کا اِک سِلسِلہ ہے جس کی ہر صبح شمس الضحی ہے، جس کی ہر شام بدرالدجیٰ ہے مستقل اُن کی چوکھٹ عطا ہو، میرے معبود ! یہ التجا ہے کوئی پوچھے تو یہ کہہ سکوں میں، بابِ جبریل میرا پتہ ہے شاعر: پروفیسر سید اقبال عظیم نعت خواں: سید حسان اللہ حسینی ثقلین رشید हिन्दी ENG اردو

اپنے آنسو بہاؤں گا میں اپنے رب کو مناؤں گا میں بوجھ دِل پہ گُناہوں کا ہے کیسے اِس کو اُٹھاؤں گا میں داغ جس پر لگے معصیت کے اب وہ دامن بچاؤں گا میں اپنے آنسو بہاؤں گا میں اپنے رب کو مناؤں گا میں نفس کی خواہشوں کو کُھرَچْ کر دِل کے در سے مِٹاؤں گا میں داستاں اپنے غم اور الم کی اپنے رب کو سُناؤں گا میں اپنے آنسو بہاؤں گا میں اپنے رب کو مناؤں گا میں دیپ اُمّید کا اور یقیں کا اپنے دِل میں جلاؤں گا میں ذکرِ ربّی جو رُوح کی غِذا ہے اپنی رُوح کو کِھلاؤں گا میں اپنے آنسو بہاؤں گا میں اپنے رب کو مناؤں گا میں یادِ آقا کے پھولوں سے اب دِل کا گُلشن سجاؤں گا میں حُکمِ رب اور حُکمِ نبی کو حرزِ جاں اب بناؤں گا میں اپنے آنسو بہاؤں گا میں اپنے رب کو مناؤں گا میں مال و زر ہو یا ہو جاں وہ میری رب کی خاطر لُٹاؤں گا میں خونِ دل کا ہر ایک ایک قطرہ رب کی راہ میں بہاؤں گا میں اپنے آنسو بہاؤں گا میں اپنے رب کو مناؤں گا میں لے کے سینے میں اِک نیک دِل کو سوئے عُقبیٰ یُوں جاؤں گا میں رب کے فضل و کرم سے، حِجازی ! چین دِل کا یُوں پاؤں گا میں اپنے آنسو بہاؤں گا میں اپنے رب کو م...

گر تو نہ سنے گا تو میری کون سنے گا گر تو نہ کرے گا تو کرم کون کرے گا جُدائی کا کوئی بیتا ہُوا لمحہ رُلاتا ہے کوئی آنسو میری بھیگی ہوئی پلکیں سجاتا ہے تو کعبہ یاد آتا ہے، بڑا ہی یاد آتا ہے تو کعبہ یاد آتا ہے، بڑا ہی یاد آتا ہے بڑے ہی خاص تھے لمحے جو کعبے میں گُزار آئے بڑی اُمّید ہے دِل میں وہ لمحے بار بار آئیں یہاں کوئی دِوَانہ جو مجھے زمزم پِلاتا ہے تو کعبہ یاد آتا ہے، بڑا ہی یاد آتا ہے غلافِ خانَۂ کعبہ پکڑ کر اپنے ہاتھوں میں کبھی دِن کے اُجالوں میں، کبھی پُرنُور راتوں میں وہاں کی داستاں کوئی ہمیں آ کر سُناتا ہے تو کعبہ یاد آتا ہے، بڑا ہی یاد آتا ہے مچلتے ہیں کئی ارمان اُس پَل میرے اِس دِل میں تڑپ کے اُمّتی کوئی میرے آقا کی محفل میں دُعا کے واسطے رو کر جو ہاتھوں کو اُٹھاتا ہے تو کعبہ یاد آتا ہے، بڑا ہی یاد آتا ہے وہاں رحمت برستی ہے، یہاں آنکھیں برستی ہیں برستی یہ میری آنکھیں زیارت کو ترستی ہیں جنیدِ قاسمی کوئی جو سینے سے لگاتا ہے تو کعبہ یاد آتا ہے، بڑا ہی یاد آتا ہے شاعر: جنید قاسمی نعت خواں: سید حسان اللہ حسینی हिन्दी ENG اردو

ہر ذرّہ مِرے دیش کا انمول رتن ہے یہ اپنا وطن پیار و محبّت کا وطن ہے اے خاکِ وطن ! ہم تجھے رُسوا نہ کریں گے ہم تیرے لیے جان کی پروا نہ کریں گے مر جائیں گے لیکن تیرا سودا نہ کریں گے ہے جان ہتھیلی پہ لیے سر پہ کفن ہے ہر ذرّہ مِرے دیش کا انمول رتن ہے یہ اپنا وطن پیار و محبّت کا وطن ہے جیتے ہیں سبھی ایک الگ شان سے مِل کر رہتے ہیں یہاں ہِندُو مسلمان سے مِل کر خوش ہوتے ہیں انساں یہاں انسان سے مِل کر تہذیب کے پھولوں سے مُزَیّن یہ چمن ہے ہر ذرّہ مِرے دیش کا انمول رتن ہے یہ اپنا وطن پیار و محبّت کا وطن ہے تا حدِّ نظر پھیلی ہوئی سبز رِدائیں پربت سے یہ گِرتے ہوئے جھرنوں کی صدائیں بھاتی ہے ہمیں ہند کی پُر کیف فضائیں کلیوں کے لبوں پر بھی تبسُّم کی کِرن ہے ہر ذرّہ مِرے دیش کا انمول رتن ہے یہ اپنا وطن پیار و محبّت کا وطن ہے نشید خواں: اشفاق بہرائچی हिन्दी ENG اردو

پھر تَوَجُّہ بڑھا، میرے مرشد پِیا ! نظریں دِل پہ جما، میرے مرشد پِیا ! اِک عجب تھا مزا، جب یہ منگتا تِرا تیرے قدموں میں تھا، میرے مرشد پِیا ! نفس حاوی ہوا، حال میرا بُرا تجھ سے کب ہے چُھپا، میرے مرشد پِیا ! اب لے جلدی خبر، تیری جانب نظر میں نے لی ہے لگا، میرے مرشد پِیا ! سخت دِل ہو چلا، اب کیا ہوگا میرا دے دے دِل کو جِلا، میرے مرشد پِیا ! تیری بس اِک نظر دِل پہ ہو جائے گر پائے گا دِل شِفا، میرے مرشد پِیا ! بس تِری یاد ہو، دِل مِرا شاد ہو مجھ کو مے وہ پِلا، میرے مرشد پِیا ! ایسا غم دے مجھے، ہوش ہی نہ رہے مست اپنا بنا، میرے مرشد پِیا ! مجھ گُنہگار کو، اِس رِیا کار کو تُو ہی مُخلص بنا، میرے مرشد پِیا ! مجھ سے بدکار سے، اِس گُنہگار سے رہنا راضی سدا، میرے مرشد پِیا ! نعت خواں: اسد رضا عطاری हिन्दी ENG اردو

خُدا کا دِل میں بس جانا یہ اِک فضلِ خُداوندی خُدا کا فضل پانا بھی خُدا کی مہربانی ہے مجھے ہے عشق اللہ سے، میرا محبوب اللہ ہے مجھے یہ عشق ہونا بھی خُدا کی مہربانی ہے مِرے ایمان کی لذّت خُدا کے نام ہی سے ہے خُدا کا نام لینا بھی خُدا کی مہربانی ہے کلامُ اللہ کو پڑھتا ہُوں، خُدا سے بات کرتا ہُوں خُدا سے جی لگانا بھی خُدا کی مہربانی ہے خُدا کے ذکر سے دِل میں لگے زنگ کو مِٹاتا ہُوں کہ دِل سے زنگ مِٹانا بھی خُدا کی مہربانی ہے خُدا کی یاد میں شام و سحر میرے گُزرتے ہیں کہ اِن یادوں میں بسنا بھی خُدا کی مہربانی ہے میں اِک گُمنام سا رُدرُد فقط اشعار لِکھتا ہُوں مِرا اشعار لِکھنا بھی خُدا کی مہربانی ہے شاعر: رُدرُد مرادآبادی نشید خواں: کلیم وارث हिन्दी ENG اردو

سارے عالم میں محبّت کی گھٹا چھائی ہے آپ آئے تو زمانے میں بہار آئی ہے روح جب وادیٔ پُردرد میں گھبرائی ہے اُمّتی اُمّتی آقا کی صدا آئی ہے بن کے خوشبو جو میرے دِل میں اُتر آئی ہے وہ تیری یاد ہے اب روح سمجھ پائی ہے آنکھ کے تِل میں ہے محفوظ جمالِ خضرا جیسے جنّت مِری نظروں میں سِمٹ آئی ہے ذاتِ سرکار ہے نورانی صحیفوں کی دلیل یعنی قرآن سے پہلے یہ کتاب آئی ہے ہر جگہ میرے لئے سب نے بِچھائیں آنکھیں ہر جگہ تیری ہی نسبت مِرے کام آئی ہے کوئی مُشکل ہو کوئی غم ہو کرو ذکرِ حبیب یہ دوا وہ ہے جو ہر دَور میں کام آئی ہے مرنے والے کی کُھلی آنکھ کُھلی رہنے دو وہ نظر جلوۂ آقا کی تمنّائی ہے جب طبیعت غمِ تنہائی سے گھبرائی ہے ہم تیرے ساتھ ہیں یہ اُن کی صدا آئی ہے ساری دُنیا کی نِگاہوں سے گِرا ہے بیدم تب کہیں جا کے تِرے دِل میں جگہ پائی ہے شاعر: بیدم شاہ وارثی نعت خواں: اسد اقبال کلکتوی हिन्दी ENG اردو

زمیں سے فلک تک یہی اِک صدا ہے میرے مصطفیٰ ہیں، میرے مصطفیٰ ہیں سر اُن کے شفاعت کا سہرا سجا ہے میرے مصطفیٰ ہیں، میرے مصطفیٰ ہیں جو نبیوں رسُولوں کے بھی مُقْتَدیٰ ہیں جو مولا علی کے بھی مشکل کُشا ہیں اُنہیں سے زمانہ یہ روشن ہُوا ہے میرے مصطفیٰ ہیں، میرے مصطفیٰ ہیں جو اُنگلی سے کر دیتے ہیں چاند ٹُکڑے جو چاہیں تو ڈوبا ہُوا شمس پلٹے یہ اعجاز اُن کو خُدا نے دِیا ہے میرے مصطفیٰ ہیں، میرے مصطفیٰ ہیں زمیں، عرش، دریا ہے صدقہ نبی کا ثمر، باغ و صحرا ہے صدقہ نبی کا اُنہیں کے ہی صدقے میں سب کچھ بنا ہے میرے مصطفیٰ ہیں، میرے مصطفیٰ ہیں جِدھر دیکھیے روشنی روشنی ہے شہِ انبیا کی ولادت ہوئی ہے ذرا دیکھیے کعبہ بھی جُھومتا ہے میرے مصطفیٰ ہیں، میرے مصطفیٰ ہیں جو عاشق ہے اُن کا وہ ڈرتا نہیں ہے اور ایمان کا سودا کرتا نہیں ہے وہ چڑھ کر کے سُولی پہ بھی بولتا ہے میرے مصطفیٰ ہیں، میرے مصطفیٰ ہیں صحابہ شہِ دیں کے روشن سِتارے اور آلِ نبی ڈوبتوں کے سہارے وہ حق پر ہے اُن دونوں پر جو فِدا ہے میرے مصطفیٰ ہیں، میرے مصطفیٰ ہیں بِلال ! آپ کو کِس قدر ہے ستایا سُلگتی ہوئی ریت پر بھی لِٹایا وہ ...

دامن میں لیے خیر ہے آئی شبِ معراج محروم نہیں لوٹے گا کوئی شبِ معراج بندوں کو خُدا سے ہے مِلائی شبِ معراج عاصی کے مُقَدّر کو جگائی شبِ معراج اُمّت کے لیے پیارا نمازوں کا وہ تُحفہ سرکار کو ہے رب سے دِلائی شبِ معراج حقدارِ جہنم تھے گُناہوں کے سبب ہم سرکار نے ہے لاج بچائی شبِ معراج ہم خاک کے ذرّے ہیں، خُدا اُن کا ہی جانے آقا کی کہاں تک ہے رسائی شبِ معراج آتے ہیں شہِ کون و مکاں، سر کو جُھکا لو حُوروں نے صدا ہے یہ لگائی شبِ معراج جب شاہ چلے فرش سے، پلکوں کو اپنی راہوں میں ملائک نے بِچھائی شبِ معراج جنّت کے فرِشتوں کی جماعت ہے زمیں پر ہے نُور میں یہ دُنیا نہائی شبِ معراج پا لیتا ہے ہر چیز وہ، اے شوقِ فریدی ! دیتا ہے خُدا کو جو دُہائی شبِ معراج شاعر: حافظ شوق فریدی نعت خواں: حافظ انس رضا عطاری हिन्दी ENG اردو

معراج والے دولہا ! معراج والے دولہا ! معراج والے دولہا ! معراج والے دولہا ! اسرا میں گُزرے جس دم بیڑے پہ قُدسِیوں کے ہونے لگی سلامی، پرچم جُھکا دیے ہیں جاتے ہیں بڑی شان سے معراج کے دولہا اللہ نے محبوب کو ہے پاس بُلایا جاتے ہیں بڑی شان سے معراج کے دولہا پیغام لیے آئے ہیں جبریل زمیں پر اے سرورِ کونین ! چلیں عرشِ بریں پر طالب ہے خدا آج کی شب آپ کا، سرور ! دیدارِ خُدا کر لیں، شہا ! قُرب میں جا کر اللہ نے محبوب کو ہے پاس بُلایا جاتے ہیں بڑی شان سے معراج کے دولہا جبریلِ امیں کہنے لگے چُوم کے تلوے بُرّاق ہے تیّار کھڑی آئیے چلیے بے تاب ہیں عرشی اُنہیں دِکھلائیے جلوے سب حُور و ملک دید کے مُشتاق ہیں کب سے اللہ نے محبوب کو ہے پاس بُلایا جاتے ہیں بڑی شان سے معراج کے دولہا مُشتاق تھی اقصیٰ میں رسُولوں کی جماعت سرکار نے کی سارے رسُولوں کی اِمامت اقصیٰ سے چلے قُربِ خُدا کے لیے حضرت سب شانِ نبی دیکھتے کرتے رہے حیرت اللہ نے محبوب کو ہے پاس بُلایا جاتے ہیں بڑی شان سے معراج کے دولہا مرتبہ میرے نبی کا کیا عظیمُ الشّان ہے رب تعالیٰ نے کِیا کیسا اُنہیں ذیشان ہے واقِعہ معراج کا ہے...

جشن کا منظر تھا، ماحول سُہانا تھا عرش نہ کیوں سجتا، سرکار نے آنا تھا فرش پہ نغمے تھے آقا کی رسالت کے عرش پہ چرچے تھے حکومت کی عظمت کے حُوروں کے لب پہ خوشیوں کا ترانہ تھا عرش نہ کیوں سجتا، سرکار نے آنا تھا جشن کا منظر تھا، ماحول سُہانا تھا عرش نہ کیوں سجتا، سرکار نے آنا تھا رُت بدل جائے اور رات سنور جائے حُکم خُدا کا ہُوا کہ وقت ٹھہر جائے رُک گیا فوراً جو گردش میں زمانہ تھا عرش نہ کیوں سجتا، سرکار نے آنا تھا جشن کا منظر تھا، ماحول سُہانا تھا عرش نہ کیوں سجتا، سرکار نے آنا تھا مسجدِ اقصیٰ میں کیا منظر تھے پیارے پیچھے قطاروں میں حاضر تھے نبی سارے آگے مُصَلّے پر سُلطانِ زمانہ تھا عرش نہ کیوں سجتا، سرکار نے آنا تھا جشن کا منظر تھا، ماحول سُہانا تھا عرش نہ کیوں سجتا، سرکار نے آنا تھا منزلِ سدرہ پر جبریل نے عرض کِیا شاہِ دو عالم ! میں آگے نہیں چل سکتا یہ ہی حد میری، یہی میرا ٹِھکانا تھا عرش نہ کیوں سجتا، سرکار نے آنا تھا جشن کا منظر تھا، ماحول سُہانا تھا عرش نہ کیوں سجتا، سرکار نے آنا تھا ایک وسیلہ ہے رب سے مُلاقاتوں کا آپ کو حق نے دِیا تحفہ جو نمازوں کا اصل میں ا...

سرِ لامکاں سے طلب ہوئی سوئے منتہا وہ چلے نبی کوئی حد ہے اُن کے عروج کی صَلُّو عَلَیہِ وَ آلِہِ بارشِ رحمتِ کبریا ہے مصطفیٰ لامکاں جا رہے ہیں آج سارا جہاں سج گیا ہے مصطفیٰ رب سے مِلنے چلے ہیں دست بستہ ملائک کھڑے ہیں نعت سرکار کی پڑھ رہے ہیں حُور و غِلماں کے لب پر صدا ہے مصطفیٰ رب سے مِلنے چلے ہیں جشن میں ذرّہ ذرّہ مگن ہے ہر طرف بجتے ہیں شادِیانے بہرِ تعظیم کعبہ جُھکا ہے مصطفیٰ رب سے مِلنے چلے ہیں انبیاء و رُسُل مُقتدی ہیں اور اِمامت پہ میرے نبی ہیں عرش پر مرحبا کی صدا ہے مصطفیٰ رب سے مِلنے چلے ہیں پہنچے سِدرہ پہ سرکار جس دم بولے جبریل، اے شاہِ عالم ! بس یہیں پر میری اِنتہا ہے مصطفیٰ رب سے مِلنے چلے ہیں ہے درودوں کی دستار سر پر ہے سلامی فرشتوں کے لب پر پہنچا محبوب قُربِ خُدا ہے مصطفیٰ رب سے مِلنے چلے ہیں یہ قصیدہ، اے شوقِ فریدی ! تم نے لِکّھا ہے جو فضلِ ربّی صدقہ وَاللّٰہ معراج کا ہے مصطفیٰ رب سے مِلنے چلے ہیں شاعر: حافظ شوق فریدی نعت خواں: غلام مصطفیٰ قادری हिन्दी ENG اردو

وہ ماہِ فروزاں وہ نیّرِ تاباں میرا مصطفیٰ ہے، میرا مصطفیٰ ہے وہ بارہ رَبِیعُ الْاَوَّل کو آیا جو اوّل بنا ہے، میرا مصطفیٰ ہے تو کیا تو نے دیکھا وہ آنا وہ جانا کہ حیرت میں ہے اب تلک یہ زمانہ وہ رب کا بُلانا، تو سب کو دِکھانا یہ جو آ رہا ہے، میرا مصطفیٰ ہے قُدْسی کھڑے ہیں حیران ہو کے کہ سِدرہ سے آگے بشر جا رہا ہے جاتا ہے دیکھو وہ بے خوف کیسے کہ سب جانتا ہے یہ راہیں وہ جیسے وہ یوں جا رہا ہے، جیسے کہ کوئی گھر والا اپنے ہی گھر جا رہا ہے وہ قِصّہ حلیمہ کے آنگن کا دیکھو جوانی سے پہلے تم بچپن کا پوچھو ابھی مصطفیٰ نے اُٹھائی ہے انگلی قمر سے تو پوچھو کدھر جا رہا ہے کہاں تو، اے شاکر ! کہاں اُن کی نعتیں کہاں اپنی ذاتیں، کہاں اُن کی باتیں یہ کیوں کہہ رہے ہو بشر جا رہا ہے حقیقت میں خیر البشر جا رہا ہے نعت خواں: قاری شاہد محمود قادری हिन्दी ENG اردو

مِعراج کی رتِیاں دھوم یہ تھی، اِک راج دُلارا آوت ہے لولاک کا سہرا سر سوہت، وہ احمد پیارا آوت ہے حُوروں نے کہا جب بِسم اللہ، غِلماں نے پُکارا اِلّا اللہ خود رب نے کہا ماشاء اللہ، محبوب ہمارا آوت ہے جبریلِ اَمیں یہ کہتے چلے، اے عرشِیو ! تُمرے بھاگ جَگے تعظیم کو سب ہو جاؤ کھڑے، سردار تُمھارا آوت ہے یٰسیں کی چمک ہے داتَن میں، طٰحٰہ کا کرِشمہ آنکھن میں والفجر کا جلوہ گالن میں، وہ عرش کا تارا آوت ہے مازاغ کا کجلہ نین بھرے، وَالشّمس کا بُٹنا مُکھ پہ مَلے ہے مِیم کا گُھونگھٹ سہرے تَلے، وہ رب کا سنوارا آوت ہے دھرتی سے اُٹھا آفاق چڑھا، مُمتاز ! یہ غُل تھا چاروں طَرف لو حق سے مِلنے صَلِّ علیٰ، سردار ہمارا آوت ہے شاعر: ممتاز گنگوہی نعت خواں: پروفیسر عبد الرؤف رُوفی حبا مزمل قادری हिन्दी ENG اردو

دے کر خُدا کو جان کی قیمت خرید لی ہر عاشقِ رسُول نے جنّت خرید لی آقا نے اپنی زندگی غربت میں کاٹ کر دنیا کے ہر غریب کی غربت خرید لی اصغر کے اُس تَبَسُّمِ معصوم پر نِثار جس نے یزید یوں کی حکومت خرید لی جس نے نبی کی یاد کو دِل میں بسا لِیا سمجھو کہ اُس نے خُلد کی راحت خرید لی سو بار اُس دیوانۂ سرکار کو سلام جس سے زُبیدہ بی بی نے جنّت خرید لی مشہور کر دِیا مجھے آقا کی نعت نے میں نے نبی کی نعت سے شہرت خرید لی معراجِ مُصطفائی پہ قربان جائیے جس نے زمیں کے واسطے عظمت خرید لی اللہ نے مُصطفیٰ کی رضا کے لیے، اسد  ! بازارِ مصطفائی سے اُمّت خرید لی شاعر: اسد اقبال کلکتوی نعت خواں: اسد اقبال کلکتوی हिन्दी ENG اردو

رب تعالیٰ کی عنایت ہیں امامِ جعفر فاطمہ زہرا کی عترت ہیں امامِ جعفر اہلِ دل بول اٹھے یہ دیکھ کے سیرت اُن کی مظہرِ شانِ رسالت ہیں امامِ جعفر اُن کے شاگردوں میں شامِل ہیں امامِ اعظم ایسے با رفعت و عظمت ہیں امامِ جعفر سر بخم وقت کا سُلطان بھی ہے اُن کے حضور ایسے سُلطانِ ولایت ہیں امامِ جعفر میری مُشکل کو وہ آسان کریں گے پل میں دافعِ رنج و مُصیبت ہیں امامِ جعفر اُن کی چوکھٹ پہ نہ جُھک جائیں کیوں دِل عُلماء کے عِلم کی بانٹتے دولت ہیں امامِ جعفر نعت خواں: اویس رضا قادری हिन्दी ENG اردو

مُسلَّمُ الثُّبوت ہے فضیلتِ مُعاویہ عیاں ہے شمس کی طرح کرامتِ مُعاویہ وہ جس سے روٹھ جائیں تو رسول اُس سے روٹھ جائیں نبی سے اِس طرح کی ہے قرابتِ مُعاویہ خُدا کے فضل سے مِلی اُنہیں وہ عظمتِ گِراں کوئی نہ تَوْل پائے گا جلالتِ مُعاویہ نَسَب میں ہیں تجلّیاں قبیلۂ رسول کی قُریشیت سے بڑھ گئی شرافتِ مُعاویہ ہیں اُن کی خواہرِعزیز جُملہ مومنوں کی ماں بڑی شرف مآب ہے نجابتِ مُعاویہ گُلِ حیات اُن کا ہے صحابِیَت سے عِطر بیز اِسی لئے ہے نو بہ نو نَضارَتِ مُعاویہ تمام مومنوں کے آپ پیارے ماموں جان ہیں ہمیں بہت عزیز ہے یہ نسبتِ مُعاویہ حسن کے دستِ پاک سے بنے خلیفۂ رسول رضائے آلِ مصطفیٰ خلافتِ مُعاویہ مُعاویہ کے پیار سے ہمارا بیڑا پار ہے گُناہ بخشوائے گی شفاعتِ مُعاویہ اُنہیں کوئی بُرا کہے تو اُس کے منہ میں خاک و آگ نہ سُن سکیں گے ہم کبھی اِہانتِ مُعاویہ جو عاشقِ رسول ہیں وہ اُن سے پیار کرتے ہیں فقط مُنافقوں کو ہے عداوتِ مُعاویہ یزید کے فریب کا مُعاویہ سے کیا حساب نبھا نہ پایا وہ شقی نیابتِ مُعاویہ وہ کر گئے نصیحتیں اُصولِ حق پہ چلنے کی پِسَر کے فعلِ بد سے ہے براءَتِ مُعاویہ ...

مِرا ہر غم مٹانے کو مِرا اللّه کافی ہے مِری بِگڑی بنانے کو مِرا اللّه کافی ہے لہُو میرے جِگر کا ہے اُسی کے فضل سے جاری اُسی کی مہربانی سے ہے سانسوں کی رواداری مِرا جیون بچانے کو مِرا اللّه کافی ہے مِرا ہر غم مٹانے کو مِرا اللّه کافی ہے وہی سبزہ اُگاتا ہے، وہی گُلشن سجاتا ہے اناجوں کا شجر اُس کے کرم سے لہلہاتا ہے مجھے کھانا کِھلانے کو مِرا اللّه کافی ہے مِرا ہر غم مٹانے کو مِرا اللّه کافی ہے سمندر کے لبوں میں اور بل کھاتی گھٹاؤں میں وہی تو بانٹتا ہے روز تازہ دم ہواؤں میں نیا موسم بنانے کو مِرا اللّه کافی ہے مِرا ہر غم مٹانے کو مِرا اللّه کافی ہے ہواؤں کو چلاتا ہے، وہی برسات لاتا ہے وہی گیہُوں کے پودوں میں نئی بالی اُگاتا ہے مِری کھیتی لگانے کو مِرا اللّه کافی ہے مِرا ہر غم مِٹانے کو مِرا اللّه کافی ہے وہی دریا میں موسیٰ کے لیے رستہ بناتا ہے وہی یونس کو مچھلی کے شِکم میں بھی بچاتا ہے ہر ایک منظر دِکھانے کو مِرا اللّه کافی ہے مِرا ہر غم مٹانے کو مِرا اللّه کافی ہے چمکتا ہے فلک پر چاند، سُورج جگمگاتا ہے فلک کے نیلے پردوں پر بھی تارا ٹمٹماتا ہے رُخِ عالم سجانے کو...

اماموں میں اِک امامِ برتر امامِ جعفر امامِ جعفر علی کے گُلشن کے ہیں گُلِ تر امامِ جعفر امامِ جعفر وہ لختِ جگرِ بتُول بھی ہیں، وہ باغِ زہرا کے پُھول بھی ہیں شُجاعتوں کے عظیم پیکر امامِ جعفر امامِ جعفر امامِ اعظم ابو حنیفہ تمہاری صحبت سے بہرہ ور تھے وہ کرتے تھے اِس کا ذکر اکثر، امامِ جعفر ! امامِ جعفر ! تمھاری عزّت، تمھاری شُہرت، تمھاری عظمت، تمھاری رفعت نِیاز تیری ہو کیوں نہ گھر گھر، امامِ جعفر ! امامِ جعفر ! وصی پہ نظرِ کرم خُدارا، نسب کی نِسبت کی لاج رکھ لے ہر ایک منزِل کے تم ہو رہبر، امامِ جعفر ! امامِ جعفر ! شاعر: سید عبد الوصی قادری رضوی نعت خواں: سید عبد الوصی قادری رضوی हिन्दी ENG اردو

باہر سے ٹِھیک ٹھاک ہوں میں پر، میرے حضور ! کُچھ ٹُوٹ پُھوٹ ہے میرے اندر، میرے حضور ! میں غم زدہ ہُوں، میری طرف مُسکرائیے میں گر رہا ہُوں تھام لیں آ کر، میرے حضور ! اللہ! میری شِکستہ دِلی برقرار رکھ آتے ہیں یاد پہلے سے بڑھ کر میرے حضور دستِ طلب کو چاہے تُو نہ بھی دراز کر دے دیں گے بھیک خود ہی بُلا کر میرے حضور یا رسُول اللہ ! اِک نگاہِ کرم آپ کی چاہیے اِن اندھیروں کو پھر روشنی چاہیے شاعر: دانش اعجاز نعت خواں: منیب قریشی محمود رضا قادری हिन्दी ENG اردو