صبح طیبہ میں ہوئی بٹتا ہے باڑا نور کا | قصیدۂ نور | Subh Taiba Mein Hui Bat.ta Hai Bada Noor Ka Lyrics in Urdu

صبح طیبہ میں ہوئی بٹتا ہے باڑا نور کا
صدقہ لینے نور کا آیا ہے تارا نور کا

باغِ طیبہ میں سُہانا پُھول پُھولا نور کا
مستِ بو ہیں بُلبُلیں پڑھتی ہیں کلمہ نور کا

بارہویں کے چاند کا مُجرا ہے سجدہ نور کا
بارہ بُرجوں سے جُھکا ایک اِک سِتارہ نور کا

اُن کے قَصْرِ قَدْر سے خُلْد ایک کمرہ نور کا
سِدْرَہ پائیں باغ میں ننھا سا پودا نور کا

عرش بھی، فِردوس بھی اس شاہِ والا نور کا
یہ مُثَمَّن بُرج وہ مُشکُوئے اَعلیٰ نور کا

آئی بدعت، چھائی ظلمت، رنگ بدلا نور کا
ماہِ سُنّت مِہْرِ طَلْعت ! لے لے بدلا نور کا

تیرے ہی ماتھے رہا، اے جان ! سہرا نور کا
بخت جاگا نور کا، چمکا ستارا نور کا

میں گدا تو بادشاہ بھر دے پِیالہ نور کا
نور دِن دُونا تِرا، دے ڈال صدقہ نور کا

تیری ہی جانب ہے پانچوں وقت سجدہ نور کا
رُخ ہے قبلہ نور کا، اَبرو ہے کعبہ نور کا

پُشت پر ڈَھلکا سرِ انور سے شَمْلَہ نور کا
دیکھیں موسیٰ طُور سے اُترا صَحِیفہ نور کا

تاج والے !  دیکھ کر تیرا عِمامہ نور کا
سر جھکاتے ہیں الٰہی بول بالا نور

بِینِیٔ پُرنور پر رَخشاں ہے بُکّہ نور کا
ہے لِوَاءُ الْحَمْد پر اُڑتا پھَریرا نور کا

مُصْحَفِ عارِض پہ ہے خطِ شَفِیْعَہ نور کا
لو، سِیَہ کارو ! مبارک ہو قَبَالَہ نور کا

آبِ زر بنتا ہے عارِض پر پسینہ نور کا
مُصْحَفِ اِعجاز پر چڑھتا ہے سونا نور کا

پیچ کرتا ہے فدا ہونے کو لَمْعَہ نور کا
گردِ سر پھرنے کو بنتا ہے عِمامَہ نور کا

ہیبتِ عارض سے تھرّاتا ہے شُعلہ نور کا
کَفشِ پا پر گر کے بن جاتا ہے گُپّھا نور کا

شمع دل، مِشکوٰۃ تن، سینہ زُجا جَہ نور کا
تیری صورت کے لئے آیا ہے سُورہ نور کا

مَیل سے کس درجہ ستھرا ہے وہ پُتلا نور کا
ہے گلے میں آج تک کورا ہی کُرتا نور کا

تیرے آگے خاک پر جُھکتا ہے ماتھا نور کا
نور نے پایا تِرے سجدے سے سِیْما نور کا

تو ہے سایہ نور کا ہر عُضْو ٹکڑا نور کا
سایہ کا سایہ نہ ہوتا ہے نہ سایہ نور کا

کیا بَنا نامِ خدا اَسرا کا دُولہا نور کا
سر پہ سہرا نور کا، بَر میں شَہانہ نور کا

بزمِ وَحْدَت میں مزا ہو گا دوبالا نور کا
ملنے شمعِ طور سے جاتا ہے اِکّا نور کا

وصفِ رُخ میں گاتی ہیں حُوریں ترانہ نور کا
قُدرتی بِینوں میں کیا بجتا ہے لَہْرا نور کا

یہ کتابِ کُن میں آیا طُرفہ آیَہ نور کا
غیرِ قائل کچھ نہ سمجھا کوئی معنیٰ نور کا

دیکھنے والوں نے کچھ دیکھا نہ بھالا نور کا
مَنْ رَاٰی کیسا یہ آئینہ دکھایا نور کا

صبح کر دی کُفْر کی سچّا تھا مُژدہ نور کا
شام ہی سے تھا شبِ تِیرہ کو دھڑکا نور کا

پڑتی ہے نُوری بھرن، امڈا ہے دریا نور کا
سر جھکا، اے کِشْتِ کفر ! آتا ہے اَہلا نور کا

ناریوں کا دَور تھا دِل جل رہا تھا نور کا
تم کو دیکھا ہو گیا ٹھنڈا کلیجا نور کا

نَسْخِ اَدیاں کر کے خود قبضہ بِٹھایا نور کا
تاجْور نے کر لیا کچّا علاقہ نور کا

جو گدا دیکھو لیے جاتا ہے توڑا نور کا
نور کی سرکار ہے کیا اس میں توڑا نور کا

بھیک لے سرکار سے لا جلد کاسہ نور کا
ماہِ نو ! طیبہ میں بٹتا ہے مہینہ نور کا

دیکھ ان کے ہوتے نازیبا ہے دعویٰ نور کا
مِہْر لکھ دے یاں کے ذرّوں کو مُچَلْکا نور کا

یاں بھی داغِ سجدۂ طَیبہ ہے تَمغا نور کا
اے قمر ! کیا تیرے ہی ماتھے ہے ٹِیکا نور کا

شمع ساں ایک ایک پروانہ ہے اس با نور کا
نورِ حق سے لو لگائے دل میں رشتہ نور کا

اَنجمن والے ہیں اَنجم بَزم حلقہ نور کا
چاند پر تاروں کے جُھرمَٹ سے ہے ہالہ نور کا

تیری نسلِ پاک میں ہے بچّہ بچّہ نور کا
تو ہے عینِ نور تیرا سب گھرانا نور کا

نور کی سرکار سے پایا دوشالہ نور کا
ہو مبارک تم کو ذُو النُّوْرَیْن جوڑا نور کا

کس کے پردے نے کیا آئینہ اندھا نور کا
مانگتا پھرتا ہے آنکھیں ہر نگینہ نور کا

اب کہاں وہ تابِشیں، کیسا وہ تڑکا نور کا
مِہْر نے چُھپ کر کیا خاصا دُھنْدَلْکا نور کا

تم مُقابِل تھے تو پہروں چاند بڑھتا نور کا
تم سے چھٹ کر مُنھ نکل آیا ذرا سا نور کا

قبرِ انور کہیے یا قصرِ مُعلّٰے نور کا
چَرخِ اَطلَس یا کوئی سادہ سا قُبّہ نور کا

آنکھ مِل سکتی نہیں در پر ہے پہرا نور کا
تاب ہے بے حکم پَر مارے پرندہ نور کا

نَزع میں لَوٹے گا خاکِ در پہ شیدا نور کا
مَر کے اوڑھے گی عَروسِ جاں دوپٹا نور کا

تابِ مِہرِ حشر سے چونکے نہ کُشْتہ نور کا
بُوندیاں رحمت کی دینے آئیں چِھینٹا نور کا

وضْعِ واضع میں تِری صورت ہے معنی نور کا
یوں مَجازاً چاہیں جس کو کہہ دیں کلمہ نور کا

اَنبیا اَجزا ہیں، تو بِالکُل ہے جملہ نور کا
اس علاقے سے ہے اُن پر نام سچّا نور کا

یہ جو مِہر و مَہ پہ ہے اِطلاق آتا نور کا
بھیک تیرے نام کی ہے اِستِعارَہ نور کا

سُرمَگیں آنکھیں حَریمِ حق کے وہ مُشکِیں غَزال
ہے فضائے لامکاں تک جن کا رَمنا نور کا

تابِ حُسنِ گرم سے کِھل جائیں گے دل کے کَنول
نو بہاریں لائے گا گرمی کا جھلکا نور کا

ذرّے مِہرِ قُدْس تک تیرے تَوَسُّط سے گیے
حدِّ اَوسَط نے کِیا صُغریٰ کو کُبریٰ نور کا

سبزۂ گَردوں جُھکا تھا بہرِ پا بوسِ بُراق
پھر نہ سِیدھا ہو سکا کھایا وہ کوڑا نور کا

تابِ سُم سے چوندھیا کر چاند اُنھیں قدموں پھرا
ہنس کے بجلی نے کہا دیکھا چھلاوا نور کا

دیدِ نقشِ سُم کو نکلی سات پَردوں سے نگاہ
پُتلیاں بولیں چلو آیا تماشا نور کا

عکسِ سُم نے چاند سُورج کو لگائے چار چاند
پڑ گیا سِیم و زرِ گَردوں پہ سِکّہ نور کا

چاند جھک جاتا جِدھر اُنگلی اٹھاتے مَہد میں
کیا ہی چلتا تھا اِشاروں پر کِھلونا نور کا

ایک سینہ تک مُشابہ اک وہاں سے پاؤں تک
حُسنِ سِبطَین اِن کے جاموں میں ہے نِیْما نور کا

صاف شکلِ پاک ہے دونوں کے مِلنے سے عِیاں
خطِّ تَواَم میں لکھا ہے یہ دو وَرقہ نور کا

کٓ گیسو، ہٰ دَہن، یٰ ابرُو، آنکھیں عٓ صٓ
کٓھٰیٰعٓصٓ اُن کا ہے چہرہ نور کا

اے رضا !  یہ احمدِ نوری کا فیضِ نور ہے
ہوگئی میری غَزل بڑھ کر قصیدہ نور کا


شاعر:
امام احمد رضا خان

نعت خواں:
اویس رضا قادری

تبصرے

ایک تبصرہ شائع کریں

Most Popular

مصطفیٰ کے پالے ہیں ہم بریلی والے ہیں | Mustafa Ke Pale Hain Hum Bareilly Wale Hain Lyrics in Urdu

مصطفیٰ کے پالے ہیں، ہم بریلی والے ہیں دل سے بھولے بھالے ہیں، ہم بریلی والے ہیں دم رضا کا بھرتے ہیں، ہم بریلی والے ہیں خواجہ خواجہ کرتے ہیں، ہم بریلی والے ہیں نعتِ مصطفیٰ پڑھ کے، ذکرِ اولیاء کر کے چھٹھی ہم مناتے ہیں، ہم بریلی والے ہیں مسلکِ مُعِینُ الدِّیں ہی رضا کا مسلک ہے سب کو یہ بتاتے ہیں، ہم بریلی والے ہیں سُنِّیَت کے جتنے بھی دہر میں سَلاسِل ہیں اُن سبھی کے نعرے ہیں، ہم بریلی والے ہیں مسلکِ رضا سے ہر باطل قوم چِڑتی ہے حق پر ہیں جو کہتے ہیں، ہم بریلی والے ہیں ڈگمگا نہیں سکتے مِثلِ صُلْحِ کُلِّی ہم مُستحکم عقیدے ہیں، ہم بریلی والے ہیں صدیق و عمر، عثماں، مرتضیٰ بھی ہیں اپنے ہر سُو بول بالے ہیں، ہم بریلی والے ہیں خادمِ صحابہ ہیں، ہم گدائے اہل بیت اعتدال والے ہیں، ہم بریلی والے ہیں غوث کے ہیں شیدائی، اشرف کے ہیں متوالے خواجہ کے دِوانے ہیں، ہم بریلی والے ہیں دَعْویٔ حُبِّ خواجہ، رافزی کا جھوٹا ہے خواجہ بس ہمارے ہیں، ہم بریلی والے ہیں حامد و رضا، نوری سے جُڑا ہے دل کا تار اِن سے دل کے رِشتے ہیں، ہم بریلی والے ہیں مَکرِ طاہر پر اختر نے یہ اُس سے فرمایا رستے دیکھے...
مزید پڑھیں

وہ شہر محبت جہاں مصطفیٰ ہیں | Wo Shehr-e-Mohabbat Jahan Mustafa Hain Lyrics in Urdu

وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے وہ سونے سے کنکر، وہ چاندی سی مٹی نظر میں بسانے کو جی چاہتا ہے وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے قدم جس زمیں پر رکھے ہیں نبی نے وہاں کھول رکّھے ہیں در روشنی نے وہ گلیاں جہاں چلتے تھے میرے آقا وہاں دل بچھانے کو جی چاہتا ہے وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے جو پوچھا نبی نے کہ کچھ گھر بھی چھوڑا تو صدیقِ اکبر کے ہونٹوں پہ آیا وہاں مال و دولت کی کیا ہے حقیقت جہاں دل لٹانے کو جی چاہتا ہے وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے جو دیکھا ہے روئے جمالِ رسالت تو بولے عمر ، مصطفیٰ جانِ رحمت ! بڑی آپ سے دشمنی تھی مگر اب غلامی میں آنے کو جی چاہتا ہے وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے جہادِ محبّت کی آواز گونجی کہا حنظلہ نے یہ دلہن سے اپنی اجازت اگر دو تو جامِ شہادت لبوں سے لگانے کو جی چاہتا ہے وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے اُدھر دیدِ آقا میں ہر دم تڑپتے اِدھر ہر گھڑی ماں کی خدمت میں رہ...
مزید پڑھیں

کیا بتاؤں کہ کیا مدینہ ہے | Kya Bataun Ke Kya Madina Hai in Urdu

کیا بتاؤں کہ کیا مدینہ ہے بس میرا مُدّعا مدینہ ہے اٹھ کے جاؤں کہاں مدینے سے کیا کوئی دوسرا مدینہ ہے اُس کی آنکھوں کا نور تو دیکھو جس کا دیکھا ہوا مدینہ ہے دل میں اب کوئی آرزو ہی نہیں یا محمّد ہے یا مدینہ ہے دنیا والے تو درد دیتے ہیں زخمی دل کی دوا مدینہ ہے دنیا والے تو درد دیتے ہیں دردِ دل کی دوا مدینہ ہے میرے آقا ! مجھے بلا لیجے مجھ کو بھی دیکھنا مدینہ ہے دل فدا ہے مدینے والے پر دل منوّر میرا مدینہ ہے نعت خواں: اسد رضا عطّاری حافظ غلام مصطفیٰ قادری ذوہیب اشرفی علّامہ حافظ بلال قادری हिन्दी ENG اردو
مزید پڑھیں

یا نبی مجھ پہ بھی اک نگاہ کرم | تجھ کو بھیجا گیا ہے کرم کے لیے | Ya Nabi Mujh Pe Bhi Ik Nigah-e-Karam Lyrics in Urdu

کرم کی بھیک درِ مصطفیٰ سے مانگتے ہیں ہم اپنی حاجتیں حاجت رَوا سے مانگتے ہیں انہیں خبر ہے کہ ہم لوگ مشکلوں سے نجات وسیلہ اُن کو بنا کر خدا سے مانگتے ہیں یا نبی ! مجھ پہ بھی اک نِگاہِ کرم تجھ کو بھیجا گیا ہے کرم کے لیے سرورِ انبیا تاجدارِ حرم ! تجھ کو بھیجا گیا ہے کرم کے لیے یا نبی ! مجھ پہ بھی اک نِگاہِ کرم تجھ کو بھیجا گیا ہے کرم کے لیے رشکِ فِردوس بن جائے دنیا میری ایک لُطفِ نظر مجھ پہ بھی، یا نبی ! پاس آئے خوشی، دور ہو جائے غم تجھ کو بھیجا گیا ہے کرم کے لیے یا نبی ! مجھ پہ بھی اک نِگاہِ کرم تجھ کو بھیجا گیا ہے کرم کے لیے وَجَہِ رحمت تیری ذات پُر نُور ہے ساری مخلوق میں بات مشہور ہے کیا فلک، کیا زمیں، کیا عرب، کیا عجم تجھ کو بھیجا گیا ہے کرم کے لیے یا نبی ! مجھ پہ بھی اک نِگاہِ کرم تجھ کو بھیجا گیا ہے کرم کے لیے دو جہانوں کا مالک بنایا تجھے ہر طرح سے نوازا ہے اللہ نے تو ہی اَعْلیٰ و ارفع تُہی محترم تجھ کو بھیجا گیا ہے کرم کے لیے یا نبی ! مجھ پہ بھی اک نِگاہِ کرم تجھ کو بھیجا گیا ہے کرم کے لیے شاعر: ذیشان مہدی نعت خواں: خواجہ علی کاظم हिन्दी ENG...
مزید پڑھیں

ہم نے آنکھوں سے دیکھا نہیں ہے مگر ان کی تصویر سینے میں موجود ہے | ان کا جلوا تو سینے میں موجود ہے | Hum Ne Aankhon Se Dekha Nahin Hai Magar Lyrics in Urdu

ہم نے آنکھوں سے دیکھا نہیں ہے مگر اُن کی تصویر سینے میں موجود ہے جس نے لا کر کلامِ الٰہی دیا وہ محمّد مدینے میں موجود ہے ہم نے آنکھوں سے دیکھا نہیں ہے مگر اُن کا جلوا تو سینے میں موجود ہے جس نے لا کر کلامِ الٰہی دیا وہ محمّد مدینے میں موجود ہے پھول کھلتے ہیں پڑھ پڑھ کے صَلِّ عَلےٰ جھوم کر کہہ رہی ہے یہ بادِ صبا ! ایسی خوشبو چمن کے گلوں میں کہاں جو نبی کے پسینے میں موجود ہے ہم نے مانا کہ جنّت بہت ہے حسیں چھوڑ کر ہم مدینہ نہ جایں کہیں یوں تو جنّت میں سب ہے مدینہ نہیں اور جنّت مدینے میں موجود ہے چھوڑنا تیرا طیبہ گوارا نہیں ساری دنیا میں ایسا نظارہ نہیں ایسا منظر زمانے میں دیکھا نہیں جیسا منظر مدینے میں موجود ہے نعت خواں: .محمود جے حافظ کامران قادری علیشہ کیانی हिन्दी ENG اردو
مزید پڑھیں

پندرہ سو سالہ جشن ولادت پیارے نبی کا مل کے منائیں | Pandra Sau Sala Jashn-e-Wiladat Pyare Nabi Ka Mil Ke Manaen Lyrics in Urdu

پندرہ سَو سالہ جشنِ ولادت پیارے نبی کا مِل کے منائیں گھر گھر سجائیں گے، خوشیاں منائیں گے آقا سے پیار ہے سب کو بتائیں گے پندرہ سَو سالہ جشنِ ولادت پیارے نبی کا مِل کے منائیں پندرہ سَو سالہ جشنِ ولادت پیارے نبی کا مِل کے منائیں آ گئے جگ میں شاہِ مدینہ، نور بھرا ہے پیارا مہینہ چھوڑ کے سارے کام، دِوانو ! آؤ نبی کی بزم سجائیں آمنہ کی جان، بارہویں کا چاند نور بن کے آیا، ہر لب ہے مُسکرایا پندرہ سَو سالہ جشنِ ولادت پیارے نبی کا مِل کے منائیں پندرہ سَو سالہ جشنِ ولادت پیارے نبی کا مِل کے منائیں آئے ہیں آقا کلمہ پڑھانے، راہِ ہدایت ہم کو دکھانے اُن کی ولادت فضلِ خدا ہے، کیوں نہ منائیں کیوں نہ منائیں آمنہ کی جان، بارہویں کا چاند نور بن کے آیا، ہر لب ہے مُسکرایا پندرہ سَو سالہ جشنِ ولادت پیارے نبی کا مِل کے منائیں پندرہ سَو سالہ جشنِ ولادت پیارے نبی کا مِل کے منائیں آئے میرے مصطفیٰ ! مرحبا یا مصطفیٰ ! آج ہے سب کی سدا ! مرحبا یا مصطفیٰ ! ابرِ کرم چھا گیا ! مرحبا یا مصطفیٰ ! نور والا آ گیا ! مرحبا یا مصطفیٰ ! جشنِ ولادت شاہِ زمن کا، عشق ہے واللّٰہ اہلِ سُنن کا جھنڈے لگا کر، گ...
مزید پڑھیں

ہوا کی خوشبو بتا رہی ہے وہ زلف اپنی سجا رہے ہیں | Hawa Ki Khushboo Bata Rahi Hai Wo Zulf Apni Saja Rahe Hain Lyrics in Urdu

ہوا کی خوشبو بتا رہی ہے، وہ زلف اپنی سجا رہے ہیں سواری طیبہ سے چل پڑی ہے، حضور تشریف لا رہے ہیں نوازشوں پر نوازشیں ہیں، عنایتوں پر عنایتیں ہیں نبی کی نعتیں سنا سنا کر ہم اپنی قسمت جگا رہے ہیں کہیں پہ رونق ہے مَے کشوں کی، کہیں پہ محفل ہے دل جلوں کی یہ کتنے خوش بخت ہیں جو اپنے نبی کی محفل سجا رہے ہیں نہ پاس پی ہو تو سونا ساون، وہ جس پے راضی وحی سہاگن جنہوں نے پکڑا نبی کا دامن، انہی کے گھر جگمگا رہے ہیں یہاں پہ لاکھوں سکندر آئے، نہ بانس باقی نہ بانسری ہے مگر ہمارے نبی کے جھنڈے ازل کے دن سے کھڑے ہوئے ہیں کوئی تو بولے جسے خدا نے نہیں دیا ہے نبی کا صدقہ ہمارے بچّہ تو مصطفی کے ہی ٹکڑے کھا کر بڑے ہوئے ہیں حبیبِ داور، غریب پرور، رسولِ اکرم، کرم کے پیکر کسی کو در پہ بلا رہے ہیں، کسی کے خوابوں میں آ رہے ہیں میں اپنے خير الورىٰ کے صدقے، میں ان کی شانِ عطا کے صدقے بھرا ہے عیبوں سے میرا دامن، حضور پھر بھی نبھا رہے ہیں بنے گا جانے کا پھر بہانہ، کہے گا آ کر کوئی دیوانہ چلو، نیازی ! تمہیں مدینے، مدینے والے بلا رہے ہیں شاعر: عبدالستار نیازی نعت خواں: شہباز قمر فریدی محمد اکبر ح...
مزید پڑھیں

نعت سرکار کی پڑھتا ہوں میں | Naat Sarkar Ki Padhta Hoon Main Lyrics in Urdu

نعت سرکار کی پڑھتا ہوں میں بس اسی بات سے گھر میں میرے رحمت ہوگی اک تیرا نام وسیلہ ہے میرا رنج و غم میں بھی اسی نام سے راحت ہوگی نعت سرکار کی پڑھتا ہوں میں بس اسی بات سے گھر میں میرے رحمت ہوگی اُن کو مختار بنایا ہے میرے مولیٰ نے خلد میں بس وہی جا سکتا ہے جس کو حسنین کے نانا کی اجازت ہوگی نعت سرکار کی پڑھتا ہوں میں بس اسی بات سے گھر میں میرے رحمت ہوگی یہ سنا ہے کہ بہت گھور اندھیری ہوگی قبر کا خوف نہ رکھنا، اے دل ! وہاں سرکار کے چہرے کی زیارت ہوگی نعت سرکار کی پڑھتا ہوں میں بس اسی بات سے گھر میں میرے رحمت ہوگی کبھی یٰسیں، کبھی طٰہٰ، کبھی واللَّیل آیا جس کی قسمیں میرا رب کھاتا ہے کتنی دلکش میرے محبوب کی صورت ہوگی نعت سرکار کی پڑھتا ہوں میں بس اسی بات سے گھر میں میرے رحمت ہوگی حشر کا دن بھی عجب دیکھنے والا ہوگا زلف لہراتے وہ جب آئیں گے پھر قیامت پہ بھی اک اور قیامت ہوگی نعت سرکار کی پڑھتا ہوں میں بس اسی بات سے گھر میں میرے رحمت ہوگی دو جہاں میں اُسے پھر کون پَناہ میں لے گا ہوگا رسوا وہ سرِ حشر جسے سیّدا زہرا کے بچّوں سے عداوت ہوگی نعت سرکار کی پڑھتا ہوں میں بس...
مزید پڑھیں

دنیا کے اے مسافر منزل تیری قبر ہے | Duniya Ke Aye Musafir Manzil Teri Qabar Hai Lyrics in Urdu

دنیا کے اے مسافر ! منزل تیری قبر ہے طے کر رہا ہے جو تو دو دن کا یہ سفر ہے جب سے بنی ہے دنیا لاکھوں کروڑوں آئے باقی رہا نہ کوئی، مٹّی میں سب سمائے اس بات کو نہ بھولو، سب کا یہی حشرہے دنیا کے اے مسافر ! منزل تیری قبر ہے طے کر رہا ہے جو تو دو دن کا یہ سفر ہے آنکھوں سے تو نے اپنی دیکھے کئی جنازے ہاتھوں سے تو نے اپنے دفنائے کتنے مردے انجام سے تو اپنے کیوں اتنا بے خبر ہے دنیا کے اے مسافر ! منزل تیری قبر ہے طے کر رہا ہے جو تو دو دن کا یہ سفر ہے یہ عالی شان بنگلے کسی کام کے نہیں ہیں محلوں میں سونے والے مٹی میں سو رہے ہیں دو گز زمیں کا ٹکڑا چھوٹا سا تیرا گھر ہے دنیا کے اے مسافر ! منزل تیری قبر ہے طے کر رہا ہے جو تو دو دن کا یہ سفر ہے مخمل پے سونے والے مٹّی میں سو رہے ہیں شاہ وگدا یہاں پر سب ایک ہو رہے ہیں دونوں ہوئے برابر، یہ موت کا اثر ہے دنیا کے اے مسافر ! منزل تیری قبر ہے طے کر رہا ہے جو تو دو دن کا یہ سفر ہے مٹّی کے پتلے ! تو نے مٹّی میں ہے سمانا اک دن یہاں تو آیا، اک دن یہاں سے جانا رکنا نہیں یہاں پر، جاری تیرا سفر ہے دنیا کے اے مسافر ! منزل تیری قبر ہے طے کر رہا ...
مزید پڑھیں

نہیں ہے کوئی دنیا میں ہمارا یا رسول اللہ | Nahin Hai Koi Duniya Mein Hamara Ya Rasoolallah Lyrics in Urdu

نہیں ہے کوئی دنیا میں ہمارا، یا رسول اللہ ! ہمیں تو آپ ہی کا ہے سہارا، یا رسول اللہ ! سراپا مَعصِیَت ہوں، بار ہے بیحد گناہوں کا بچانا نارِ دوزخ سے خدارا، یا رسول اللہ ! ہوں سر سے پاؤں تک ڈوبا ہوا غم کے سمندر میں نہیں آتا نظر کوئی کنارا، یا رسول اللہ ! تلاطم خیز ہے دریا، بھنور میں ہے میری کشتی نظر آتا نہیں کوئی کنارا، یا رسول اللہ ! تڑپتا ہے میرا دل اور ترستی ہیں بہت آنکھیں بلا لو اب مدینے میں دوبارہ، یا رسول اللہ ! تڑپتا ہے یہ دل میرا، ترستی ہیں میری آنکھیں بلا لو اب مدینے میں دوبارہ، یا رسول اللہ ! خدا جب آپ سے فرمائے، لاؤ اپنی امّت کو ہماری سمت بھی کرنا اشارہ، یا رسول اللہ ! فقط اعمال کے بدلے نہ پائیگا کوئی جنت نہ ہوگا آپ کا جب تک اشارہ، یا رسول اللہ ! بہ روزِ حشر میرے اِس یقیں کی لاج رکھ لینا تمہارا ہوں، تمہارا ہوں، تمہارا یا رسول اللہ ! حقیقت میں بہت بڑھ کر کے ہے عرشِ معَلّیٰ سے زمیں جس پر ہو نقش پا تمہارا، یا رسول اللہ ! دمِ آخر ذرا مشتاق پر اتنا کرم کرنا کہ اس کے لب پے ہو کلمہ تمہارا، یا رسول اللہ ! نعت خواں: خالد حسنین خالد وقّار اعظم قادری عابد رؤف قا...
مزید پڑھیں