ماہ طیبہ نیّر بطحا صلّی اللہ علیک و سلّم | Mah-e-Taiba Nayyar-e-Batha Sallallahu Alaika Wa Sallam Lyrics in Urdu

مَاہِ طیبہ نَیّرِ بطحا ! صَلَّی اللہُ عَلَیْکَ وَ سَلَّم
تیرے دَم سے عالم چمکا، صَلَّی اللہُ عَلَیْکَ وَ سَلَّم

تو ہے مَظہَرِ رَبِّ اَجمل، ظِل ہیں تیرے سارے مُرسَل
کون ہے ہم سر تیرا، شاہا ! صَلَّی اللہُ عَلَیْکَ وَ سَلَّم

تو ہے نائبِ رَبِّ اَکبر، پیارے ہر دم تیرے دَر پر
اَہلِ حاجت کا ہے میلہ، صَلَّی اللہُ عَلَیْکَ وَ سَلَّم

ہر شے میں ہے تیرا جلوہ، تجھ سے روشن دین و دنیا
بانٹا تو نے نور کا باڑا، صَلَّی اللہُ عَلَیْکَ وَ سَلَّم

تو چاہے وہ جو رب چاہے، رب چاہے وہ جو تو چاہے
چاہا تیرا رب کا چاہا، صَلَّی اللہُ عَلَیْکَ وَ سَلَّم

جتنے سلاطیں پہلے آئے سِکّے ان کے ہوگئے کھوٹے
جاری رہے گا سِکّہ تیرا، صَلَّی اللہُ عَلَیْکَ وَ سَلَّم

! تیرے گھر کا بچہ بچہ سارا گھرانا، سیّدِ والا
نوری مورت نور کا پُتلا، صَلَّی اللہُ عَلَیْکَ وَ سَلَّم

میں ہوں بے بس تو ہی بس ہے، میں ہوں بے کس تو ہی کس ہے
کس لے کمر اور بہرِمَدد آ، صَلَّی اللہُ عَلَیْکَ وَ سَلَّم

حال ہمارا جیسا زَبوں ہے اور وہ کیسا اور وہ کیوں ہے
سب ہے تم پر روشن، شاہا ! صَلَّی اللہُ عَلَیْکَ وَ سَلَّم

اَنْتَ الْقَاسِم رَبُّکَ مُعْطِیْ تم ہی نے سب کو نعمت دی
دے دو مجھ کو میرا حصہ، صَلَّی اللہُ عَلَیْکَ وَ سَلَّم

حاضرِ دَر ہے نوریٔ مُضطَر آپ کا یہ مورُوثی ثنا گر
اِبن رضا ہے خواہاں رضا کا، صَلَّی اللہُ عَلَیْکَ وَ سَلَّم


شاعر:
مصطفیٰ رضا خان (مفتیِ اعظم ہند)

نعت خواں:
حافظ ڈاکٹر نثار احمد معرفانی
محمد عادل عطاری

• हिन्दी
• ENG
• اردو