تِیرگی میں اُجالا ہمَارا نبی | سب سے اَولیٰ و اعلیٰ ہمارا نبی تضمین کے ساتھ | Teergi Mein Ujala Hamara Nabi Lyrics in Urdu

تِیرگی میں اُجالا ہمَارا نبی
روشنی کا حوالا ہمارا نبی
غیب داں ، کملی والا ہمارا نبی
سب سے اَولیٰ و اعلیٰ ہمارا نبی
سب سے بالا و وَالا ہمارا نبی

بحرِ غم میں کنارا ہمارا نبی
چشمِ عالم کا تارا ہمارا نبی
آمنہ کا دُلارا ہمارا نبی
اپنے مولیٰ کا پیارا ہمارا نبی
دونوں عالم کا دُولہا ہمارا نبی

جس کی تبلیغ سے حق نُمایاں ہوا
بتکدہ جس کی آمد سے ویراں ہوا
جس کے جلووں سے ابلیس لرزاں ہوا
بزمِ آخر کا شمعِ فروزاں ہوا
نورِ اوّل کا جلوہ ہمارا نبی

در پہ غَیروں کے زحمت نہ فرمائیے
بِھیک لینے مدینے چلے جائیے
کوئی دیتا ہے تو سامنے لائیے
کون دیتا ہے دینے کو مُنھ چاہیئے
دینے والا ہے سچّا ہمارا نبی

پیشِ داور جو ہے عاصیوں کا وکیل
جس کے ہاتھوں سے منظور ہو گی اپیل
جس کا مکھڑا ہے خود مغفرت کی دلیل
جس کی دو بوند ہیں کوثر و سلسبیل
ہے وہ رحمت کا دریا ہمارا نبی

جس کے عرفاں پہ موقوف عرفانِ ذات
جس کی رحمت کے سائے میں ہے کائنات
جس کے در سے نکلتی ہے راہِ نجات
جس کے تلووں کا دھوون ہے آبِ حیات
ہے وہ جانِ مسیحا ہمارا نبی

اللہ اللہ وہ اُمّی و اُستادِ کُل
مچ گیا جس کی بعثت پہ مکّے میں غُل
رہبرِ اِنس و جاں ، مُنتہائے سُبُل
خلق سے اولیا ، اولیا سے رُسُل
اور رسولوں سے اعلیٰ ہمارا نبی

جس کے اَذکار کی ہیں سجی محفلیں
دم قدم سے ہیں جس کے یہ سب رونقیں
بزمِ کونین میں جس کی ہیں تابشیں
بجھ گئیں جس کے آگے سبھی مَشعلیں
شمع وہ لے کر آیا ہمارا نبی

فرش کو مُہرِ اعزاز جس کے قدم
جس کے ابرو میں اِک دلرُبایانہ خَم
وہ جمیلُ الشِّیَم وہ جلیلُ الحَشَم
حُسن کھاتا ہے جس کے نمک کی قسم
وہ ملیحِ دل آرا ہمارا نبی

جیسے مہرِ سما ایک ہے، ویسے ہی
جیسے روزِ جزا ایک ہے، ویسے ہی
جیسے بابِ عطا ایک ہے، ویسے ہی
جیسے سب کا خدا ایک ہے، ویسے ہی
اِن کا، اُن کا، تمہارا، ہمارا نبی

کتنے روشن دیے دم زدن میں بُجھے
کتنے سروِ سہی زیرِ گردُوں جُھکے
کتنے دریا یہاں بہتے بہتے رُکے
کیا خبر کتنے تارے کِھلے چُھپ گئے
پر نہ ڈوبے نہ ڈوبا ہمارا نبی

زندگی کتنے موتی پِروتی رہی
خود میں رنگِ تغیُّر سموتی رہی
بِیج کیا کیا تنوُّع کے بوتی رہی
قرنوں بدلی رسولوں کی ہوتی رہی
چاند بدلی کا نکلا ہمارا نبی

اب نہ دِل پر کوئی بات لیجے کہ ہے
جامِ کوثر کوئی دم میں پیجے کہ ہے
اے نصیر ! اب ذرا غم نہ کیجے کہ ہے
غمزدوں کو، رضا ! مُژدہ دیجے کہ ہے
بے کسوں کا سہارا ہمارا نبی


کلام:
امام احمد رضا خان

تضمین:
پیر نصیرالدّین نصیر

نعت خواں:
مولانا محمّد نويد سيالوي
احمدالفّتاح

تبصرے

ایک تبصرہ شائع کریں

Most Popular

وہ شہر محبت جہاں مصطفیٰ ہیں | Wo Shehr-e-Mohabbat Jahan Mustafa Hain Lyrics in Urdu

وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے وہ سونے سے کنکر، وہ چاندی سی مٹی نظر میں بسانے کو جی چاہتا ہے وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے قدم جس زمیں پر رکھے ہیں نبی نے وہاں کھول رکّھے ہیں در روشنی نے وہ گلیاں جہاں چلتے تھے میرے آقا وہاں دل بچھانے کو جی چاہتا ہے وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے جو پوچھا نبی نے کہ کچھ گھر بھی چھوڑا تو صدیقِ اکبر کے ہونٹوں پہ آیا وہاں مال و دولت کی کیا ہے حقیقت جہاں دل لٹانے کو جی چاہتا ہے وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے جو دیکھا ہے روئے جمالِ رسالت تو بولے عمر ، مصطفیٰ جانِ رحمت ! بڑی آپ سے دشمنی تھی مگر اب غلامی میں آنے کو جی چاہتا ہے وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے جہادِ محبّت کی آواز گونجی کہا حنظلہ نے یہ دلہن سے اپنی اجازت اگر دو تو جامِ شہادت لبوں سے لگانے کو جی چاہتا ہے وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے اُدھر دیدِ آقا میں ہر دم تڑپتے اِدھر ہر گھڑی ماں کی خدمت میں رہ...
مزید پڑھیں

کیا بتاؤں کہ کیا مدینہ ہے | Kya Bataun Ke Kya Madina Hai in Urdu

کیا بتاؤں کہ کیا مدینہ ہے بس میرا مُدّعا مدینہ ہے اٹھ کے جاؤں کہاں مدینے سے کیا کوئی دوسرا مدینہ ہے اُس کی آنکھوں کا نور تو دیکھو جس کا دیکھا ہوا مدینہ ہے دل میں اب کوئی آرزو ہی نہیں یا محمّد ہے یا مدینہ ہے دنیا والے تو درد دیتے ہیں زخمی دل کی دوا مدینہ ہے دنیا والے تو درد دیتے ہیں دردِ دل کی دوا مدینہ ہے میرے آقا ! مجھے بلا لیجے مجھ کو بھی دیکھنا مدینہ ہے دل فدا ہے مدینے والے پر دل منوّر میرا مدینہ ہے نعت خواں: اسد رضا عطّاری حافظ غلام مصطفیٰ قادری ذوہیب اشرفی علّامہ حافظ بلال قادری हिन्दी ENG اردو
مزید پڑھیں

ہم نے آنکھوں سے دیکھا نہیں ہے مگر ان کی تصویر سینے میں موجود ہے | ان کا جلوا تو سینے میں موجود ہے | Hum Ne Aankhon Se Dekha Nahin Hai Magar Lyrics in Urdu

ہم نے آنکھوں سے دیکھا نہیں ہے مگر اُن کی تصویر سینے میں موجود ہے جس نے لا کر کلامِ الٰہی دیا وہ محمّد مدینے میں موجود ہے ہم نے آنکھوں سے دیکھا نہیں ہے مگر اُن کا جلوا تو سینے میں موجود ہے جس نے لا کر کلامِ الٰہی دیا وہ محمّد مدینے میں موجود ہے پھول کھلتے ہیں پڑھ پڑھ کے صَلِّ عَلےٰ جھوم کر کہہ رہی ہے یہ بادِ صبا ! ایسی خوشبو چمن کے گلوں میں کہاں جو نبی کے پسینے میں موجود ہے ہم نے مانا کہ جنّت بہت ہے حسیں چھوڑ کر ہم مدینہ نہ جایں کہیں یوں تو جنّت میں سب ہے مدینہ نہیں اور جنّت مدینے میں موجود ہے چھوڑنا تیرا طیبہ گوارا نہیں ساری دنیا میں ایسا نظارہ نہیں ایسا منظر زمانے میں دیکھا نہیں جیسا منظر مدینے میں موجود ہے نعت خواں: .محمود جے حافظ کامران قادری علیشہ کیانی हिन्दी ENG اردو
مزید پڑھیں

تڑپ اٹھتا ہے دل لفظوں میں دہرائی نہیں جاتی | Tadap Uthta Hai Dil Lafzon Mein Dohrai Nahin Jaati Lyrics in Urdu

تڑپ اٹھتا ہے دل، لفظوں میں دہرائی نہیں جاتی زباں پر کربلا کی داستاں لائی نہیں جاتی حسین ابنِ علی کے غم میں ہُوں دُنیا سے بیگانہ ہجومِ خلق میں بھی میری تنہائی نہیں جاتی اُداسی چھا رہی ہے روح پر شامِ غریباں کی طبیعت ہے کہ بہلانے سے بہلائی نہیں جاتی کہا عبّاس نے، افسوس بازو کٹ گئے میرے سکینہ تک یہ مشکِ آب لیجائی نہیں جاتی سُنا ہے کربلا کی خاک ہے اکسیر سے بڑھ کر یہ مٹّی آنکھ میں لینے سے بینائی نہیں جاتی جتن ہر دَور میں کیا کیا نہ اہلِ شر نے کر دیکھے مگر زہرا کے پیاروں کی پذیرائی نہیں جاتی دلیل اِس سے ہو بڑھ کر کیا شہیدوں کی طہارت پر کہ میّت دفن کی جاتی ہے، نہلائی نہیں جاتی طمانچے مار لو، خیمے جلا لو، قید میں رکھ لو علی کے گُلرُخوں سے بوئے زہرائی نہیں جاتی کہا شبّیر نے، عبّاس ! تم مجھ کو سہارا دو کہ تنہا لاشِ اکبر مجھ سے دفنائی نہیں جاتی حسینیّت کو پانا ہے تو ٹکّر لے یزیدوں سے یہ وہ منزل ہے جو لفظوں میں سمجھائی نہیں جاتی وہ جن چہروں کو زینت غازۂ خاکِ نجف بخشے دمِ آخر بھی اُن چہروں کی زیبائی نہیں جاتی کوئی بھی دَور ہو، تو ہی امامِ غم ٹھہرتا ہے غم شبّیر ! تیری شانِ یکت...
مزید پڑھیں

زمینِ کربلا تجھ پر علی کا لال آیا ہے | Zameen-e-Karbala Tujh Par Ali Ka Laal Aaya Hai Lyrics in Urdu

زمینِ کربلا تجھ پر علی کا لال آیا ہے دکھانے حیدری تیور علی کا لال آیا ہے اگر تم بے نمازی ہو، حسینی ہو نہیں سکتے یہی سجدے میں بتلا کر علی کا لال آیا ہے چلے جب ذوالفقارِ حیدری میدان میں لے کر یزیدی بھاگ اٹھے کہہ کر علی کا لال آیا ہے نبی کے دین کی خاطر مدینے سے سفر کر کے لٹانے گھر کٹانے سر علی کا لال آیا ہے قدم اُن کے پڑے تو یوں لگا حیدر اُتر آئے زمیں بھی کانپ اٹھی تھر تھر، علی کا لال آیا ہے نعت خواں: نور علی نور کانپوری हिन्दी ENG اردو
مزید پڑھیں

ہر زمانہ میرے حسین کا ہے | Har Zamana Mere Hussain Ka Hai Lyrics in Urdu

ہر زمانہ میرے حسین کا ہے جان مانگو، میں دل نہیں دونگا دل ٹھکانا میرے حسین کا ہے ہر زمانہ میرے حسین کا ہے جس کی خاطر یہ کائنات بنی ایسا نانا میرے حسین کا ہے ہر زمانہ میرے حسین کا ہے جس پہ ہر اک درود پڑھتا ہے وہ گھرانہ میرے حسین کا ہے ہر زمانہ میرے حسین کا ہے یہ جو کعبہ ہے تم نہ سمجھوگے گھر پرانا میرے حسین کا ہے ہر زمانہ میرے حسین کا ہے رات سے دن جو یہ نکلتا ہے مسکرانا میرے حسین کا ہے ہر زمانہ میرے حسین کا ہے تم جسے آسماں سمجھتے ہو شامیانہ میرے حسین کا ہے ہر زمانہ میرے حسین کا ہے کوئی پوچھے یہ دور کس کا ہے تم بتانا میرے حسین کا ہے ہر زمانہ میرے حسین کا ہے بولیں زہرا یہ اشک دو مجھ کو یہ خزانہ میرے حسین کا ہے ہر زمانہ میرے حسین کا ہے اُگ رہا ہے جو بعد کرب و بلا دانا دانا میرے حسین کا ہے ہر زمانہ میرے حسین کا ہے جس جگہ حُرّ بنائے جاتے ہیں کارخانہ میرے حسین کا ہے ہر زمانہ میرے حسین کا ہے جب سے گھر میں سجے ہے میرے علم آنا جانا میرے حسین کا ہے ہر زمانہ میرے حسین کا ہے مجھ میں، ریحان ! یہ شعور جو ہے شاعرانہ میرے حسین کا ہے ہر زمانہ میرے حسین کا ہے شاعر: ...
مزید پڑھیں

کربلا کی خاک پر کیا آدمی سجدے میں ہے | Karbala Ki Khaak Par Kya Aadmi Sajde Mein Hai Lyrics in Urdu

کربلا کی خاک پر کیا آدمی سجدے میں ہے موت رسوا ہو چکی ہے، زندگی سجدے میں ہے کربلا کی خاک پر کیا آدمی سجدے میں ہے وہ جو اک سجدہ علی کا بچ رہا تھا وقتِ فجر فاطمہ کا لال شاید اب اُسی سجدے میں ہے کربلا کی خاک پر کیا آدمی سجدے میں ہے وہ جو عاشورہ کی شب گُل ہو گیا تھا اک چراغ اب قیامت تک اُسی کی روشنی سجدے میں ہے کربلا کی خاک پر کیا آدمی سجدے میں ہے حشر تک جس کی قسم کھاتے رہیں گے اہلِ حق ایک نفسِ مطمئن اُس دائمی سجدے میں ہے کربلا کی خاک پر کیا آدمی سجدے میں ہے نوکِ نیزہ پر بھی ہونی ہے تلاوت بعدِ عصر مصحفِ ناطق تَہِ خنجر ابھی سجدے میں ہے کربلا کی خاک پر کیا آدمی سجدے میں ہے اس پہ حیرت کیا لرز اُٹّھی زمینِ کربلا راکبِ دوشِ پیمبر آخری سجدے میں ہے کربلا کی خاک پر کیا آدمی سجدے میں ہے سُنّتِ پیغمبرِ خاتم ہے سجدے کا یہ طول کل نبی سجدے میں تھے، آج اک ولی سجدے میں ہے کربلا کی خاک پر کیا آدمی سجدے میں ہے شاعر: افتخار عارف نعت خواں: زوہیب اشرفی हिन्दी ENG اردو
مزید پڑھیں

رات دن اور صبح و شام تم پہ کروڑوں سلام | Raat Din Aur Subh-o-Shaam Tum Pe Karodon Salam Lyrics in Urdu

رات دن اور صبح و شام، تم پہ کروڑوں سلام یا حسین عالی مقام ! تم پہ کروڑوں سلام پائے عابد چوم کر، بیڑی بولی جھوم کر میں نہ ڈالونگی نشان، تم پہ کروڑوں سلام باپ ہے شیرِ خدا، نانا ہے خیرالوریٰ تم ہو جنّت کے مہمان، تم پہ کروڑوں سلام سوکھا گلا شیر کا، زخم کھایا تیر کا ننھے اصغر بھی قربان، تم پہ کروڑوں سلام اصغر کو بھی دے دیا، اکبر کو بھی دے دیا نانا کی اُمّت کے نام، تم پہ کروڑوں سلام نعت خواں: فاروق رضا برکاتی دہلوی हिन्दी ENG اردو
مزید پڑھیں

کربل میں آلِ رسول | آئے دین کا گلشن بچانے کے لیے | Karbal Mein Aal-e-Rasool Lyrics in Urdu

کربل میں آلِ رسول، باغِ سیّدہ کے پھول آئے دین کا گلشن بچانے کے لیے حیدر کے لختِ جگر، کر کے طیبہ سے سفر آئے دین کا گلشن بچانے کے لیے ایک طرف تھے صرف بہتّر ایک طرف لاکھوں کا لشکر ایسی ہیبت تھی طاری، بہتّر لاکھوں پہ بھاری اک سبق دے دیا ہے زمانے کے لیے شبّیر پیتے ہیں جامِ شہادت یا کرتے ہیں رب کی عبادت سر پہ عظمت کا ہے تاج، رن میں پڑھتے ہیں نماز اپنے نانا کی اُمَّت بچانے کے لیے پیاس کا عالم، ہونٹ جو کھولے جھولے سے علی اصغر بولے بابا ! اب کر دو قربان، میری ننھی سی یہ جان دل ہے بیتاب اب تیر کھانے کے لیے میدان میں علی اکبر آئے سارے یزیدی کے دل تھرّائے رن میں گرجے جیسے شیر، کتنے دشمن ہو گئے ڈھیر ڈھونڈے دشمن جگہ منہ چھپانے کے لیے یومِ جزا تک یاد کریں گے شاکر ! ہم فریاد کریں گے میرے مولیٰ ! کر احسان ہم بھی ہو جائیں قربان اپنے پیارے نبی کے گھرانے کے لیے شاعر: احسان شاکر اعظمی نعت خواں: احسان شاکر اعظمی हिन्दी ENG اردو
مزید پڑھیں

دنیا کے اے مسافر منزل تیری قبر ہے | Duniya Ke Aye Musafir Manzil Teri Qabar Hai Lyrics in Urdu

دنیا کے اے مسافر ! منزل تیری قبر ہے طے کر رہا ہے جو تو دو دن کا یہ سفر ہے جب سے بنی ہے دنیا لاکھوں کروڑوں آئے باقی رہا نہ کوئی، مٹّی میں سب سمائے اس بات کو نہ بھولو، سب کا یہی حشرہے دنیا کے اے مسافر ! منزل تیری قبر ہے طے کر رہا ہے جو تو دو دن کا یہ سفر ہے آنکھوں سے تو نے اپنی دیکھے کئی جنازے ہاتھوں سے تو نے اپنے دفنائے کتنے مردے انجام سے تو اپنے کیوں اتنا بے خبر ہے دنیا کے اے مسافر ! منزل تیری قبر ہے طے کر رہا ہے جو تو دو دن کا یہ سفر ہے یہ عالی شان بنگلے کسی کام کے نہیں ہیں محلوں میں سونے والے مٹی میں سو رہے ہیں دو گز زمیں کا ٹکڑا چھوٹا سا تیرا گھر ہے دنیا کے اے مسافر ! منزل تیری قبر ہے طے کر رہا ہے جو تو دو دن کا یہ سفر ہے مخمل پے سونے والے مٹّی میں سو رہے ہیں شاہ وگدا یہاں پر سب ایک ہو رہے ہیں دونوں ہوئے برابر، یہ موت کا اثر ہے دنیا کے اے مسافر ! منزل تیری قبر ہے طے کر رہا ہے جو تو دو دن کا یہ سفر ہے مٹّی کے پتلے ! تو نے مٹّی میں ہے سمانا اک دن یہاں تو آیا، اک دن یہاں سے جانا رکنا نہیں یہاں پر، جاری تیرا سفر ہے دنیا کے اے مسافر ! منزل تیری قبر ہے طے کر رہا ...
مزید پڑھیں