سیر گلشن کون دیکھے دشت طیبہ چھوڑ کر | Sair-e-Gulshan Kaun Dekhe Dasht-e-Tayba Chhod Kar Lyrics in Urdu

سیرِ گُلشن کون دیکھے دشتِ طیبہ چھوڑ کر
سُوئے جنّت کون جائے دَر تمہارا چھوڑ کر

سرگزشتِ غم کہوں کس سے تِرے ہوتے ہوئے
کس کے در پر جاؤں تیرا آستانہ چھوڑ کر

بے لِقائے یار اُن کو چین آ جاتا اگر
بار بار آتے نہ یوں جبریل سِدرہ چھوڑ کر

کون کہتا ہے دلِ بے مُدّعا ہے خوب چیز
میں تو کوڑی کو نہ لُوں ان کی تمنّا چھوڑ کر

مر ہی جاؤں میں اگر اس دَر سے جاؤں دو قدم
کیا بچے بیمارِ غم قربِ مسیحا چھوڑ کر

کس تمنّا پر جِئیں، یا رب ! اَسیرانِ قفس
آ چُکی بادِ صبا باغِ مدینہ چھوڑ کر

بخشوانا مجھ سے عاصی کا رَوا ہوگا کسے
کس کے دامن میں چُھپُوں دامن تمہارا چھوڑ کر

خُلد کیسا ؟ نفسِ سرکش ! جاؤں گا طیبہ کو میں
بدچلن ہٹ کر کھڑا ہو مجھ سے رَستہ چھوڑ کر

ایسے جلوے پر کرُوں میں لاکھ حُوروں کو نِثار
کیا غرض کیوں جاؤں جنّت کو مدینہ چھوڑ کر

حشر میں ایک ایک کا مُونھ تکتے پھرتے ہیں عدو
آفتوں میں پھنس گئے اُن کا سہارا چھوڑ کر

مر کے جیتے ہیں جو اُن کے در پہ جاتے ہیں، حسن !
جی کے مرتے ہیں جو آتے ہیں مدینہ چھوڑ کر


شاعر:
مولانا حسن رضا خان بریلوی

نعت خواں:
اویس رضا قادری
صابر رضا ازہری سورت
اسد رضا عطاری
سید احمد سہروردی

تبصرے

Most Popular

کعبہ دکھا دے مولیٰ | Kaba Dikha De Maula Lyrics in Urdu

یا نبی مجھ پہ بھی اک نگاہ کرم | تجھ کو بھیجا گیا ہے کرم کے لیے | Ya Nabi Mujh Pe Bhi Ik Nigah-e-Karam Lyrics in Urdu

اے شہنشاہ مدینہ الصلوۃ والسلام | Aye Shahenshah-e-Madina Assalatu Wassalam Lyrics in Urdu

وہ شہر محبت جہاں مصطفیٰ ہیں | Wo Shehr-e-Mohabbat Jahan Mustafa Hain Lyrics in Urdu

یہ دل تیری یادوں سے مہکتا ہی رہے گا | Ye Dil Teri Yaadon Se Mahakta Hi Rahega Lyrics in Urdu

کیا بتاؤں کہ کیا مدینہ ہے | Kya Bataun Ke Kya Madina Hai in Urdu

وہ بن میں قدم رکھ دیں تو بن جاتا ہے بن پھول | سر تا بقدم ہے تن سلطان زمن پھول تضمین کے ساتھ | Wo Ban Mein Qadam Rakh Den To Ban Jata Hai Ban Phool Lyrics in Urdu

ہم نے آنکھوں سے دیکھا نہیں ہے مگر ان کی تصویر سینے میں موجود ہے | ان کا جلوا تو سینے میں موجود ہے | Hum Ne Aankhon Se Dekha Nahin Hai Magar Lyrics in Urdu

اے زہرا کے بابا سنیں التجا مدینہ بلا لیجئے | Aye Zahra Ke Baba Sunen Iltija Madina Bula Lijiye Lyrics in Urdu

باہر سے ٹھیک ٹھاک ہوں میں پر میرے حضور | Bahar Se Theek Thaak Hun Main Par Mere Huzoor Lyrics in Urdu