پیشِ حق مژدہ شفاعت کا سُناتے جائیں گے | Pesh-e-Haq Muzda Shafaat Ka Sunate Jayenge Lyrics in Urdu

پیشِ حق مژدہ شفاعت کا سُناتے جائیں گے
آپ روتے جائیں گے ہم کو ہنساتے جائیں گے

دل نکل جانے کی جا ہے، آہ ! کن آنکھوں سے وہ
ہم سے پیاسوں کے لیے دریا بہاتے جائیں گے

کُشتگانِ گرمیٔ محشر کو وہ جانِ مسیح
آج دامن کی ہوا دے کر جِلاتے جائیں گے

گل کِھلے گا آج یہ اُن کی نسیمِ فیض سے
خون روتے آئیں گے، ہم مسکراتے جائیں گے

ہاں چلو، حسرت زدو ! سُنتے ہیں وہ دن آج ہے
تھی خبر جس کی کہ وہ جَلوہ دِکھاتے جائیں گے

آج عیدِ عاشِقاں ہے گر خدا چاہے کہ وہ
ابروئے پیوستہ کا عالَم دِکھاتے جائیں گے

کچھ خبر بھی ہے، فقیرو ! آج وہ دن ہے کہ وہ
نعمتِ خلد اپنے صَدقے میں لُٹاتے جائیں گے

خاک اُفتادو ! بس اُن کے آنے ہی کی دیر ہے
خود وہ گر کر سجدہ میں تم کو اُٹھاتے جائیں گے

وُسعتیں دی ہیں خدا نے دامنِ محبوب کو
جرم کھلتے جائیں گے اور وہ چھپاتے جائیں گے

لو وہ آئے مسکراتے ہم اسیروں کی طرف
خرمنِ عِصیاں پر اب بجلی گراتے جائیں گے

آنکھ کھولو، غمزدو ! دیکھو وہ گِریاں آئے ہیں
لوحِ دل سے نقشِ غم کو اب مِٹاتے جائیں گے

سوختہ جانوں پہ وہ پُر جوشِ رحمت آئے ہیں
آبِ کوثر سے لگی دِل کی بجھاتے جائیں گے

آفتاب اُن کا ہی چمکے گا جب اَوروں کے چراغ
صرصرِ جوشِ بلا سے جِھلملاتے جائیں گے

پائے کُوباں پُل سے گزریں گے تِری آواز پر
رَبِّ سَلِّمْ کی صَدا پر وَجد لاتے جائیں گے

سرورِ دِیں لیجے اپنے ناتوانوں کی خبر
نفس و شیطاں، سیّدا ! کب تک دَباتے جائیں گے

حشر تک ڈالیں گے ہم پَیدائشِ مولیٰ کی دُھوم
مِثلِ فارِس نجد کے قلعے گراتے جائیں گے

خاک ہو جائیں عدو جل کر مگر ہم تو، رضا !
دَم میں جب تک دَم ہے ذِکر اُن کا سُناتے جائیں گے


شاعر:
امام احمد رضا خان

نعت خواں:
اویس رضا قادری
اسد رضا عطاری

تبصرے

ایک تبصرہ شائع کریں

Most Popular

جس کو کہتے ہیں سلطان پیغمبراں | وہ پیغمبر مدینے میں موجود ہے | Wo Paigambar Madine Mein Maujood Hai Lyrics in Urdu

جس کو کہتے ہیں سُلطانِ پیغمبراں وہ پیغمبر مدینے میں موجود ہے رہبروں کی جسے سَربَراہی مِلی ایسا رہبر مدینے میں موجود ہے اہلِ دنیا کے سردار ہیں انبیاء رب نے اُونچا کِیا سب کا ہے مرتبہ انبیاء جس کو سردار اپنا کہیں ہاں وہ اَفْسَر مدینے میں موجود ہے جس کو کہتے ہیں سُلطانِ پیغمبراں وہ پیغمبر مدینے میں موجود ہے روز آتے ہیں رب کے فرشتے جہاں مصطفیٰ نے کہا جس کو باغِ جناں جس کی عظمت پہ نازاں ہے عرشِ بریں ایسا اِک گھر مدینے میں موجود ہے جس کو کہتے ہیں سُلطانِ پیغمبراں وہ پیغمبر مدینے میں موجود ہے کس قدر اُس کے دل میں تھا عشقِ نبی سانپ نے ڈس لِیا اور اُف تک نہ کی اَصْدَقُ الصّادِقِیں رَاحَۃُ العَاشِقِیں یارِ سرور مدینے میں موجود ہے جس کو کہتے ہیں سُلطانِ پیغمبراں وہ پیغمبر مدینے میں موجود ہے جو فِراقِ مدینہ میں رنجُور ہے کون کہتا ہے طیبہ سے وہ دُور ہے ظاہِراً ہو کہیں ہاں مگر فِکر میں وہ گداگر مدینے میں موجود ہے جس کو کہتے ہیں سُلطانِ پیغمبراں وہ پیغمبر مدینے میں موجود ہے میں ہُوں، شوقِ فریدی ! غُلامِ نبی مجھ کو اُن سے جُدا مت سمجھنا کبھی دُور ہُوں میں مدینے سے تو کیا...
Read more »

کعبہ دکھا دے مولا | Kaba Dikha De Maula Lyrics in Urdu

کعبہ دِکھا دے، مولا ! مولا ! کعبہ دِکھا دے، مولا ! عُمْر بچی ہے میری کہاں مر ہی نہ جاؤں، مولا ! یہاں کعبہ دِکھا دے، مولا ! مولا ! کعبہ دِکھا دے، مولا ! کبھی گِرد کعبے کے میں بھی تو گُھومُوں کبھی میں بھی کعبے کی چادر کو چُومُوں مجھے بھی دِکھا دے، خدایا ! حرم وہ برستی ہے رحمت کی بارِش جہاں کعبہ دِکھا دے، مولا ! مولا ! کعبہ دِکھا دے، مولا ! کبھی سنگِ اسود کا بوسہ عطا ہو کہ مرنے سے پہلے ختم ہر خطا ہو تمنّا مِرے رب یہ پُوری تُو کر دے اِسی جُستجُو میں ہُوں جیتا یہاں کعبہ دِکھا دے، مولا ! مولا ! کعبہ دِکھا دے، مولا ! میں اکثر ہی یادوں میں کعبے کو پہنچا میں کتنا ہُوں تڑپا، میں کتنا ہُوں رویا ہے بے چین، مولا ! یہ دل میرا کتنا کروں کیسے میں یہ لبوں سے بیاں کعبہ دِکھا دے، مولا ! مولا ! کعبہ دِکھا دے، مولا ! بہت ہو کے آئے ہیں دیکھو وہاں سے کہ میں صرف جا ہی نہ پایا یہاں سے زِیارت حرم کی ہے کِتنوں نے کر لی تِری اب نگاہِ کرم ہو یہاں کعبہ دِکھا دے، مولا ! مولا ! کعبہ دِکھا دے، مولا ! بہت لوگ جاتے ہیں ایسے حرم کو کہ جیسے حرم ہو قدم دو قدم کو بڑا خوب اُن کا مُقَدَّر ہے، ...
Read more »

وہ شہر محبت جہاں مصطفیٰ ہیں | Wo Shehr-e-Mohabbat Jahan Mustafa Hain Lyrics in Urdu

وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے وہ سونے سے کنکر، وہ چاندی سی مٹی نظر میں بسانے کو جی چاہتا ہے وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے قدم جس زمیں پر رکھے ہیں نبی نے وہاں کھول رکّھے ہیں در روشنی نے وہ گلیاں جہاں چلتے تھے میرے آقا وہاں دل بچھانے کو جی چاہتا ہے وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے جو پوچھا نبی نے کہ کچھ گھر بھی چھوڑا تو صدیقِ اکبر کے ہونٹوں پہ آیا وہاں مال و دولت کی کیا ہے حقیقت جہاں دل لٹانے کو جی چاہتا ہے وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے جو دیکھا ہے روئے جمالِ رسالت تو بولے عمر ، مصطفیٰ جانِ رحمت ! بڑی آپ سے دشمنی تھی مگر اب غلامی میں آنے کو جی چاہتا ہے وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے جہادِ محبّت کی آواز گونجی کہا حنظلہ نے یہ دلہن سے اپنی اجازت اگر دو تو جامِ شہادت لبوں سے لگانے کو جی چاہتا ہے وہ شہرِ محبّت جہاں مصطفیٰ ہیں وہیں گھر بنانے کو جی چاہتا ہے اُدھر دیدِ آقا میں ہر دم تڑپتے اِدھر ہر گھڑی ماں کی خدمت میں رہ...
Read more »

جاہ و جلال دو نہ ہی مال و منال دو | Jaah-o-Jalal Do Na Hi Maal-o-Manal Do Lyrics in Urdu

جاہ و جلال دو نہ ہی مال و مَنال دو سوزِ بلال بس مِری جھولی میں ڈال دو دُنیا کے سارے غم مِرے دل سے نکال دو غم اپنا، یا حبیب ! برائے بِلال دو ہِجْر و فِراق تو مِلا، دو اِضْطِراب بھی بے تاب قَلْب از پئے سوزِ بلال دو بہتی رہے جو ہر گھڑی بس یاد میں، شہا ! وہ چشمِ اَشْکبار پئے ذُوالجلال دو سینہ مدینہ ہو مِرا، دل بھی مدینہ ہو فِکرِ مدینہ دو مجھے مدنی خیال دو ہر آن بس تَصَوُّرِ طیبہ میں گُم رہوں ایسا بُلند، شاہِ مدینہ ! خیال دو دو دَرد سُنَّتوں کا پئے شاہِ کربلا اُمّت کے دل سے لَذّتِ عصیاں نکال دو خُلقِ عظیم سے مجھے حِصّہ عطا کرو بے جا ہنسی کی خصلتِ بد کو نکال دو ذِکْر و دُرُود ہر گھڑی وِردِ زباں رہے میری فُضُول گوئی کی عادت نکال دو دونوں جہاں کی آفتیں، مولا ! مُصیبتیں صدقے میں میرے غوث کے، سرکار ! ٹال دو عطّار کو بُلا کے مدینے میں دو بقیع دو پھولوں کے طُفَیْل ہوں پُورے سُوال دو شاعر: محمد الیاس عطار قادری نعت خواں: اویس رضا قادری حاجی مشتاق عطاری हिन्दी ENG اردو
Read more »

میرے حسین تجھے سلام | السلام یا حسین | Mere Hussain Tujhe Salaam Lyrics in Urdu

میرے حُسین ! تجھے سلام، میرے حُسین ! تجھے سلام السّلام یا حُسین ! السّلام یا حُسین ! السّلام یا حُسین ! السّلام یا حُسین ! کر لیا نوش جِس نے شہادت کا جام اُس حُسین ابنِ حیدر پہ لاکھوں سلام کہو حُسین پر سلام، کہو حُسین پر سلام میرے حُسین ! تجھے سلام، میرے حُسین ! تجھے سلام السّلام یا حُسین ! السّلام یا حُسین ! السّلام یا حُسین ! السّلام یا حُسین ! جس کو دھوکے سے کوفے بُلایا گیا اور بُلا کر کے ناحق سَتایا گیا جِس کے بچّوں کو پیاسا رُلایا گیا جِس کی گردن پہ خنجر چَلایا گیا اُس حُسین ابنِ حیدر پہ لاکھوں سلام کہو حُسین پر سلام، کہو حُسین پر سلام میرے حُسین ! تجھے سلام، میرے حُسین ! تجھے سلام السّلام یا حُسین ! السّلام یا حُسین ! السّلام یا حُسین ! السّلام یا حُسین ! جس کا جُھولا فرشتے جُھلاتے رہے لورِیاں دے کے نُوری سُلاتے رہے جِس کو کاندھوں پہ آقا بِٹھاتے رہے اُس پہ سَفّاک خنجر چَلاتے رہے اُس حُسین ابنِ حیدر پہ لاکھوں سلام کہو حُسین پر سلام، کہو حُسین پر سلام میرے حُسین ! تجھے سلام، میرے حُسین ! تجھے سلام السّلام یا حُسین ! السّلام یا حُسین ! السّلام یا حُسین ! ا...
Read more »

المدد پیران پیر غوث الاعظم دستگیر | المدد پیران پیر غوث اعظم دست گیر | Al Madad Peeran-e-Peer Lyrics in Urdu

رُتبہ یہ ولایت میں کیا غوث نے پایا ہے اللہ نے ولیوں کا سردار بنایا ہے ہے دستِ علی سر پر، حسنین کا سایا ہے میرے غوث کی ٹھوکر نے مُردوں کو جِلایا ہے المدد پیرانِ پیر ! غوث الاعظم دست گیر ! المدد پیرانِ پیر ! غوث الاعظم دست گیر ! لاکھوں نے اِسی در سے تقدیر بنا لی ہے بغدادی سنوریا کی ہر بات نِرالی ہے ڈوبی ہوئی کشتی بھی دریا سے نِکالی ہے یہ نام ادب سے لو، یہ نام جلالی ہے المدد پیرانِ پیر ! غوث الاعظم دست گیر ! المدد پیرانِ پیر ! غوث الاعظم دست گیر ! ہر فکر سے تم ہو کر آزاد چلے جاؤ لے کر کے لبوں پر تم فریاد چلے جاؤ ملنا ہے اگر تم کو ولیوں کے شہنشہ سے خواجہ سے اِجازت لو، بغداد چلے جاؤ المدد پیرانِ پیر ! غوث الاعظم دست گیر ! المدد پیرانِ پیر ! غوث الاعظم دست گیر ! غور کیجے کہ نگاہِ غوث کا کیا حال ہے ہے قُطب کوئی، ولی کوئی، کوئی ابدال ہے دُور ہے جو غوث سے، بدبخت ہے، بد حال ہے جو دیوانہ غوث کا ہے سب میں بے مثال ہے دین میں خوش حال ہے، دُنیا میں مالا مال ہے المدد پیرانِ پیر ! غوث الاعظم دست گیر ! المدد پیرانِ پیر ! غوث الاعظم دست گیر ! ملنے کو شمع سے یہ پروانہ تڑپتا ہے ق...
Read more »

کیا بتاؤں کہ کیا مدینہ ہے | Kya Bataun Ke Kya Madina Hai in Urdu

کیا بتاؤں کہ کیا مدینہ ہے بس میرا مُدّعا مدینہ ہے اٹھ کے جاؤں کہاں مدینے سے کیا کوئی دوسرا مدینہ ہے اُس کی آنکھوں کا نور تو دیکھو جس کا دیکھا ہوا مدینہ ہے دل میں اب کوئی آرزو ہی نہیں یا محمّد ہے یا مدینہ ہے دنیا والے تو درد دیتے ہیں زخمی دل کی دوا مدینہ ہے دنیا والے تو درد دیتے ہیں دردِ دل کی دوا مدینہ ہے میرے آقا ! مجھے بلا لیجے مجھ کو بھی دیکھنا مدینہ ہے دل فدا ہے مدینے والے پر دل منوّر میرا مدینہ ہے نعت خواں: اسد رضا عطّاری حافظ غلام مصطفیٰ قادری ذوہیب اشرفی علّامہ حافظ بلال قادری हिन्दी ENG اردو
Read more »

سنتے ہیں کہ محشر میں صرف ان کی رسائی ہے | Sunte Hain Ke Mehshar Mein Sirf Un Ki Rasai Hai Lyrics in Urdu

سُنتے ہیں کہ محشر میں صرف اُن کی رَسائی ہے گر اُن کی رَسائی ہے لو جب تو بن آئی ہے مچلا ہے کہ رحمت نے اُمّید بندھائی ہے کیا بات تِری، مجرم ! کیا بات بَنائی ہے سب نے صفِ محشر میں لَلکار دِیا ہم کو اے بے کسوں کے آقا ! اب تیری دُہائی ہے یُوں تو سب اُنہیں کا ہے، پَر دِل کی اگر پُوچھو یہ ٹوٹے ہوئے دِل ہی خاص اُن کی کمائی ہے زائر گئے بھی کب کے، دِن ڈَھلنے پہ ہے، پیارے ! اُٹھ میرے اَکیلے چل، کیا دیر لگائی ہے بازارِ عمل میں تو سودا نہ بنا اپنا سرکار کرم تجھ میں عیبی کی سَمائی ہے گِرتے ہووں کو مژدہ سجدے میں گِرے مولیٰ رو رو کے شفاعت کی تمہید اُٹھائی ہے اے دِل ! یہ سُلگنا کیا، جلنا ہے تو جل بھی اُٹھ دَم گُھٹنے لگا، ظالِم ! کیا دُھونی رَمائی ہے مجرم کو نہ شرماؤ، احباب ! کفن ڈَھک دو مُنھ دیکھ کے کیا ہوگا، پردے میں بھلائی ہے اب آپ ہی سنبھالیں تو کام اپنے سنبھل جائیں ہم نے تو کمائی سب کھیلوں میں گنوائی ہے اے عشق ! تِرے صَدقے جلنے سے چُھٹے سَستے جو آگ بُجھا دے گی، وہ آگ لگائی ہے حرص و ہوسِ بد سے، دِل ! تُو بھی سِتَم کر لے تُو ہی نہیں بے گانہ، دُنیا ہی پَرائی ہے ہم دِل جلے ہیں ...
Read more »

اے زہرا کے بابا سنیں التجا مدینہ بلا لیجئے | Aye Zahra Ke Baba Sunen Iltija Madina Bula Lijiye Lyrics in Urdu

اے زہرا کے بابا ! سُنیں التجا مدینہ بُلا لیجئے کہیں مر نہ جائے غُلام آپ کا مدینہ بُلا لیجئے ستاتی ہے مجھ کو، رُلاتی ہے مجھ کو یہ دنیا بہت آزماتی ہے مجھ کو ہُوں دنیا کی باتوں سے ٹُوٹا ہوا مدینہ بُلا لیجئے بڑی بے کسی ہے، بڑی بے قراری نہ کٹ جائے، آقا ! یونہی عُمْر ساری کہاں زندگانی کا ہے کچھ پتہ مدینہ بُلا لیجئے یہ احساس ہے مجھ کو، میں ہُوں کمینہ حضور ! آپ چاہیں تو آؤں مدینہ گُناہوں کے دلدل میں میں ہُوں پھنسا مدینہ بُلا لیجئے میں دیکھوں وہ روضہ، میں دیکھوں وہ جالی بُلا لیجے مجھ کو بھی، سرکارِ عالی ! کہاں جائے، آقا ! یہ منگتا بھلا مدینہ بُلا لیجئے وہ رمضان تیرا، وہ دالان تیرا وہ عجوہ، وہ زمزم، یہ مہمان تیرا تیرے در پہ افطار کا وہ مَزہ مدینہ بُلا لیجئے جہاں کے سبھی ذرّے شمس و قمر ہیں جہاں پہ ابو بکر و عُثماں، عُمَر ہیں جہاں جلوہ فرما ہیں حمزہ چچا مدینہ بُلا لیجئے نہ اتنا میں ماں اور بابا کو چاہُوں تمہیں جتنا چاہُوں، کسی کو نہ چاہُوں میرے بال بچّے ہُوں تم پر فِدا مدینہ بُلا لیجئے ہُوا ہے جہاں سے جہاں یہ مُنَوّر جہاں آئے جبریل قرآن لے کر مجھے دیکھنا ہے وہ غا...
Read more »

تیری جناب کے جیسی کوئی جناب نہیں | Teri Janab Ke Jaisi Koi Janab Nahin Lyrics in Urdu

تِری جناب کے جیسی کوئی جناب نہیں تو لاجواب ہے تیرا کوئی جواب نہیں نبی تو اور حسین و جمیل ہیں لیکن جو تجھ میں آب ہے ایسی کسی میں آب نہیں بنا کے حسنِ سراپا یہ کہہ دیا رب نے تِرے شباب کے آگے کوئی شباب نہیں تمہار ے  زلف ہے وَاللّیل، وَالضُّحیٰ چہرہ تمہاری مست نظر کا کوئی جواب نہیں تمہارے نور سے شمس و قمر ہوئے روشن وہ کون ہے جو ترے در سے فیضیاب نہیں خدا نے طور پہ موسیٰ سے لن ترانی کہا کہا حبیب سے تم سے کوئی حجاب نہیں حضور ! جس کو دیا تم نے بے حساب دیا تمہاری دین میں، آقا ! کوئی حساب نہیں کہاں ہے میری نظر اُن کی دید کے قابل وہ میرے دل میں ہیں لیکن نظر کو تاب نہیں تِری نظر نے مجھے کیا سے کیا بنا ڈالا تِری عنایتیں اتنی ہیں کہ حساب نہیں انہیں خدا نے بنایا ہے رحمتِ عالم جو اُن کے ہو گئے اُن کو کوئی عذاب نہیں وہ جن کو حاجت جنت ہے یا خدا دے دے مِرا تو اُن کے سوا کوئی انتخاب نہیں تمہارے نقشِ قدم سے جو ہٹ گئے ہیں وہی ہزار سجدے کریں پھر بھی کامیاب نہیں جو دیکھ آئے ہیں، اعجاز ! گنبدِ خضراء میں کیسے کہہ دوں کہ دل اُن کے آفتاب نہیں شاعر: اعجاز احمد اعجاز قادری نعت خواں...
Read more »