شاہ جیلاں پیر پیراں میر میراں | Shah-e-Jeelan Peer-e-Peeran Meer-e-Meeran Lyrics in Urdu

شاہِ جِیلاں، پیرِ پیراں، میرِ میراں

طلب کا مُنھ تو کس قابِل ہے، یا غوث !
مگر تیرا کرم کامِل ہے یا غوث

شاہِ جِیلاں، پیرِ پیراں، میرِ میراں

دوہائی یَا مُحِیُّ الدِّین دوہائی
بَلا اسلام پر نازِل ہے، یا غوث !

شاہِ جِیلاں، پیرِ پیراں، میرِ میراں

عَزُوْمًا قَاتِلًا عِنْدَ الْقِتَالٖ
مدد کو آ دمِ بِسمِل ہے، یا غوث !

شاہِ جِیلاں، پیرِ پیراں، میرِ میراں

خُدا را ناخُدا آ دے سہارا
ہوا بگڑی بھَنْوَر حائِل ہے، یا غوث !

شاہِ جِیلاں، پیرِ پیراں، میرِ میراں

تِرا وقت اور پڑے یوں دین پر وقت
نہ تو عاجِز نہ تو غافِل ہے، یا غوث !

شاہِ جِیلاں، پیرِ پیراں، میرِ میراں

رہی ہاں شامتِ اعمال یہ بھی
جو تو چاہے ابھی زائِل ہے، یا غوث !

شاہِ جِیلاں، پیرِ پیراں، میرِ میراں

غَیُورا ! اپنی غیرت کا تَصَدُّق
وہی کر جو تِرے قابِل ہے، یا غوث !

شاہِ جِیلاں، پیرِ پیراں، میرِ میراں

خُدا را مرہمِ خاکِ قدم دے
جِگر زخمی ہے دِل گھائِل ہے، یا غوث !

شاہِ جِیلاں، پیرِ پیراں، میرِ میراں

تِرے بابا کا پھر تیرا کرم ہے
یہ مُنھ ورنہ کِسی قابِل ہے، یا غوث !

شاہِ جِیلاں، پیرِ پیراں، میرِ میراں

بھَرَن والے تِرا جھالا تو جھالا
تِرا چِھینٹا مِرا غاسِل ہے، یا غوث !

شاہِ جِیلاں، پیرِ پیراں، میرِ میراں

رضا کا خاتِمہ بالخیر ہو گا
تِری رحمت اگر شامِل ہے، یا غوث !

شاہِ جِیلاں، پیرِ پیراں، میرِ میراں


شاعر:
امام احمد رضا خان

نعت خواں:
اویس رضا قادری