اے مجاہد نبی نعت گنگنائے جا | حق اللہ حق اللہ | Aye Mujahid-e-Nabi Naat Gungunaye Ja Lyrics in Urdu

حق اللہ، حق اللہ، حق اللہ، حق اللہ

اے مجاہدِ نبی ! نعت گُنگُنائے جا
نغمۂ محمّدی جُھوم کر سُنائے جا
دو جہاں پہ چھائے جا، ضربِ حق لگائے جا

حق اللہ، حق اللہ، حق اللہ، حق اللہ

پرچمِ نبی اُٹھا لے خُدا کا آسرا
درسِ مرشدی ہے یہ، حق پہ زندگی لُٹا
حق پہ جاں لُٹائے جا، ضربِ حق لگائے جا

حق اللہ، حق اللہ، حق اللہ، حق اللہ

بات کر تو بعد میں، پہلے تو سلام کر
جو تیرے بزرگ ہیں، اُن کا احترام کر
اُن سے فیض پائے جا، ضربِ حق لگائے جا

حق اللہ، حق اللہ، حق اللہ، حق اللہ

شُکْر کر خُدا کا تُو، تجھ کو یہ وطن مِلا
پاک سرزمیں مِلی اور یہ چمن مِلا
سر کو تُو جُھکائے جا، ضربِ حق لگائے جا

حق اللہ، حق اللہ، حق اللہ، حق اللہ

جُھوٹ بولنا نہیں تم کبھی زبان سے
لعنتِ خُدا ہے یہ، دیکھ لو قرآن سے
سچ کے گیت گائے جا، ضربِ حق لگائے جا

حق اللہ، حق اللہ، حق اللہ، حق اللہ

اپنے مُرشدی کا دل اِس طرح سے شاد کر
جو سبق مِلے تجھے، تُو دل لگا کے یاد کر
اُن سے فیض پائے جا، ضربِ حق لگائے جا

حق اللہ، حق اللہ، حق اللہ، حق اللہ

آئے جو رمضان روزوں کا اہتمام کر
کھا تو رب کی نعمتیں، ذکر اس کا عام کر
ذکر تو سُنائے جا، ضربِ حق لگائے جا

حق اللہ، حق اللہ، حق اللہ، حق اللہ

آرزو کی ہے دعا اور رہے سکھی صدا
مہربان آقا ہوں اور کرم کرے خدا
مدنی رنگ میں رنگتا جا، ضربِ حق لگائے جا

حق اللہ، حق اللہ، حق اللہ، حق اللہ


نعت خواں:
فرحان علی قادری
ساحل رضا قادری