ADVERTISEMENT

واہ کیا مرتبہ ہوا تیرا | Wah Kya Martaba Hua Tera Lyrics in Urdu

واہ کیا مرتبہ ہوا تیرا
تو خدا کا خدا ہوا تیرا

تاج والے ہوں اس میں یا محتاج
سب نے پایا دِیا ہوا تیرا

ہاتھ خالی کوئی پھرا نہ پھرے
ہے خزانہ بھرا ہوا تیرا

آج سنتے ہیں سننے والے کل
دیکھ لیں گے کہا ہوا تیرا

اسے تو جانے یا خدا جانے
پیشِ حق رُتبہ کیا ہوا تیرا

تاجداروں کا تاجدار بنا
بن گیا جو گدا ہوا تیرا

جو تِرا ہو گیا خدا کا ہوا
جو خدا کا ہوا ہوا تیرا

حوصلے کیوں گھٹیں غریبوں کے
ہے اِرادہ بڑھا ہوا تیرا

ذات بھی تیری اِنتخاب ہوئی
نام بھی مصطفیٰ ہوا تیرا

جسے تو نے دِیا خدا نے دِیا
دَین رب کی دِیا ہوا تیرا

ایک عالم خدا کا طالب ہے
اور طالب خدا ہوا تیرا

بزمِ امکاں تِرے نصیب کُھلے
کہ وہ دُلہا بنا ہوا تیرا

میری طاعت سے میرے جرم فزوں
لُطْف سب سے بڑھا ہوا تیرا

کام بگڑے ہوئے بنا دینا
کام کس کا ہوا ہوا تیرا

ہر ادا دل نشیں بنی تیری
ہر سخن جاں فِزا ہوا تیرا

ایسی شوکت کے تاجدار کہاں
تخت تختِ خدا ہوا تیرا

ہوں زمیں والے یا فلک والے
سب کو صدقہ عطا ہوا تیرا

ہر گھڑی گھر سے بھیک کی تقسیم
رات دن دَر کُھلا ہوا تیرا

نہ کوئی دو سرا میں تجھ سا ہے
نہ کوئی دُوسرا ہوا تیرا

مجھ سے کیا لے سکے عدو اِیماں
اور وہ بھی دِیا ہوا تیرا

لے خبر ہم تباہ کاروں کی
قافلہ ہے لُٹا ہوا تیرا

تیرے سر کو تِرا خدا جانے
تاجِ سر نقشِ پا ہوا تیرا

بگڑی باتوں کی فِکْر کر نہ، حسن !
کام سب ہے بنا ہوا تیرا


شاعر:

مولانا حسن رضا خان بریلوی

نعت خواں:
اویس رضا قادری
میلاد رضا عطاری
سید زبیب مسعود

تبصرے

Most Popular

وہ بن میں قدم رکھ دیں تو بن جاتا ہے بن پھول | سر تا بقدم ہے تن سلطان زمن پھول تضمین کے ساتھ | Wo Ban Mein Qadam Rakh Den To Ban Jata Hai Ban Phool Lyrics in Urdu

فضل رب پاک سے بھائی میرا دولہا بنا | مدنی سہرا | Fazl-e-Rabb-e-Pak Se Bhai Mera Dulha Bana Lyrics in Urdu

وہ شہر محبت جہاں مصطفیٰ ہیں | Wo Shehr-e-Mohabbat Jahan Mustafa Hain Lyrics in Urdu

سنتے ہیں کہ محشر میں صرف ان کی رسائی ہے | Sunte Hain Ke Mehshar Mein Sirf Un Ki Rasai Hai Lyrics in Urdu

دامن میں یوں چھپا لو دگر کو خبر نہ ہو | پل سے اتارو راہ گزر کو خبر نہ ہو تضمین کے ساتھ | Daman Mein Yun Chhupa Lo Digar Ko Khabar Na Ho Lyrics in Urdu

کعبہ دکھا دے مولا | Kaba Dikha De Maula Lyrics in Urdu

کیا بتاؤں کہ کیا مدینہ ہے | Kya Bataun Ke Kya Madina Hai in Urdu

چمک تجھ سے پاتے ہیں سب پانے والے | Chamak Tujh Se Pate Hain Sab Pane Wale Lyrics in Urdu

اے زہرا کے بابا سنیں التجا مدینہ بلا لیجئے | Aye Zahra Ke Baba Sunen Iltija Madina Bula Lijiye Lyrics in Urdu

سر تا بقدم ہے تن سلطان زمن پھول | Sar-Ta-Ba-Qadam Hai Tan-e-Sultan-e-Zaman Phool Lyrics in Urdu