ADVERTISEMENT

زمین و زماں تمہارے لئے | Zameen-o-Zaman Tumhare Liye Lyrics in Urdu

زمین و زماں تمہارے لئے، مَکِین و مکاں تمہارے لئے
چُنین و چُناں تمہارے لئے، بنے دو جہاں تمہارے لئے

دَہن میں زباں تمہارے لئے، بدن میں ہے جاں تمہارے لئے
ہم آئے یہاں تمہارے لئے، اٹھیں بھی وہاں تمہارے لئے

فرشتے خِدَم رسولِ حِشم تمامِ اُمَم غُلامِ کرم
وُجُود و عَدم حُدُوث و قِدم جہاں میں عِیاں تمہارے لئے

کَلِیم و نَجی، مَسیح و صَفی، خلیل و رَضی، رسول و نبی
عَتیق و وَصی، غَنی و علی، ثَنا کی زباں تمہارے لئے

اِصالتِ کُل، اِمامتِ کُل، سِیادَتِ کُل، اِمارتِ کُل
حکومتِ کُل، وِلایَتِ کُل، خدا کے یہاں تمہارے لئے

تمہاری چمک، تمہاری دمک، تمہاری جھلک، تمہاری مہک
زمین و فلک، سِماک و سمک میں سِکّہ نشاں تمہارے لئے

وہ کَنزِ نِہاں، یہ نورِ فَشاں، وہ کُن سے عِیاں، یہ بزمِ فَکاں
یہ ہر تن و جاں، یہ باغِ جناں، یہ سارا سماں تمہارے لئے

ظُہورِ نِہاں، قیامِ جہاں، رکوعِ مِہاں، سجودِ شَہاں
نیازیں یہاں، نمازیں وہاں، یہ کس لئے ہاں تمہارے لئے

یہ شمس و قمر، یہ شام و سحر، یہ بَرگ و شَجر، یہ باغ و ثَمَر
یہ تِیغ و سِپر، یہ تاج و کمر، یہ حُکمِ رواں تمہارے لئے

یہ فیض دیے، وہ جُود کیے کہ نام لیے زمانہ جیے
جہاں نے لیے تمہارے دیے، یہ اِکرَمیاں تمہارے لئے

سحابِ کرم روانہ کیے کہ آبِ نِعَم زمانہ پیے
جو رکھتے تھے ہم وہ چاک سیے، یہ سِتْرِ بداں تمہارے لئے

ثَنا کا نشاں، وہ نور فَشاں کہ مِہروَشاں، بآنہمہ شاں
بَسایہ کَشاں مَواکِبِ شاں یہ نام و نشاں تمہارے لئے

عطائے اَرَب جِلائے کَرب فُیوضِ عجب بغیر طلب
یہ رحمتِ رب ہے کس کے سبب بَربِّ جہاں تمہارے لئے

ذُنُوب فنا عُیُوب ہَبا قُلُوب صَفا خُطُوب رَوا
یہ خوب عطا کُرُوب زُدا پئے دل وجاں تمہارے لئے

نہ جِنّ و بشر کہ آٹھوں پہر ملائکہ در پہ بَستہ کمر
نہ جُبّہ و سَر کہ قلب و جگر ہیں سجدہ کُناں تمہارے لئے

نہ رُوحِ امیں، نہ عرشِ بَریں، نہ لَوحِ مُبیں، کوئی بھی کہیں
خبر ہی نہیں جو رَمزیں کھلیں ازل کی نِہاں تمہارے لئے

جِناں میں چمن، چمن میں سمن، سمن میں پھبن، پھبن میں دُلہن
سزائے محن پہ ایسے مِنَن یہ امن و اَماں تمہارے لئے

کمالِ مہاں جلالِ شہاں جمالِ حِساں میں تم ہو عِیاں
کہ سارے جہاں میں روزِفَکاں ظِل آئینہ ساں تمہارے لئے

یہ طُور کُجا سِپِہر تو کیا کہ عرشِ عُلا بھی دُور رہا
جِہت سے ورا وِصال مِلا یہ رِفعتِ شاں تمہارے لئے

خلیل و نجی، مسیح و صَفی، سبھی سے کہی کہیں بھی بنی
یہ بے خبری کہ خَلق پھری کہاں سے کہاں تمہارے لئے

بَفَورِ صدا سماں یہ بندھا یہ سِدرہ اُٹھا وہ عرش جُھکا
صُفُوفِ سَما نے سجدہ کیا ہوئی جو اذاں تمہارے لئے

یہ مَرحمتیں کہ کچّی مَتیں نہ چھوڑیں لَتیں نہ اپنی گَتیں
قصور کریں اور ان سے بھریں قصورِ جناں تمہارے لئے

فَنا بَدَرَتْ بَقا بَبرَتْ ز ہر دو جِہت بگردِ سَرَتْ
ہے مَرکزِیَّتْ تمہاری صِفَتْ کہ دونوں کماں تمہارے لئے

اِشارے سے چاند چیر دیا، چُھپے ہوئے خور کو پھیر لیا
گئے ہوئے دن کو عصر کیا یہ تاب و تَواں تمہارے لئے

صبا وہ چلے کہ باغ پھلے، وہ پھول کِھلے کہ دن ہوں بھلے
لِوا کے تلے ثنا میں کُھلے رضا کی زباں تمہارے لئے


شاعر:
امام احمد رضا خان

نعت خواں:
اویس رضا قادری
الحاج خورشید احمد

تبصرے

Most Popular

وہ بن میں قدم رکھ دیں تو بن جاتا ہے بن پھول | سر تا بقدم ہے تن سلطان زمن پھول تضمین کے ساتھ | Wo Ban Mein Qadam Rakh Den To Ban Jata Hai Ban Phool Lyrics in Urdu

فضل رب پاک سے بھائی میرا دولہا بنا | مدنی سہرا | Fazl-e-Rabb-e-Pak Se Bhai Mera Dulha Bana Lyrics in Urdu

وہ شہر محبت جہاں مصطفیٰ ہیں | Wo Shehr-e-Mohabbat Jahan Mustafa Hain Lyrics in Urdu

سنتے ہیں کہ محشر میں صرف ان کی رسائی ہے | Sunte Hain Ke Mehshar Mein Sirf Un Ki Rasai Hai Lyrics in Urdu

دامن میں یوں چھپا لو دگر کو خبر نہ ہو | پل سے اتارو راہ گزر کو خبر نہ ہو تضمین کے ساتھ | Daman Mein Yun Chhupa Lo Digar Ko Khabar Na Ho Lyrics in Urdu

کعبہ دکھا دے مولا | Kaba Dikha De Maula Lyrics in Urdu

کیا بتاؤں کہ کیا مدینہ ہے | Kya Bataun Ke Kya Madina Hai in Urdu

چمک تجھ سے پاتے ہیں سب پانے والے | Chamak Tujh Se Pate Hain Sab Pane Wale Lyrics in Urdu

اے زہرا کے بابا سنیں التجا مدینہ بلا لیجئے | Aye Zahra Ke Baba Sunen Iltija Madina Bula Lijiye Lyrics in Urdu

سر تا بقدم ہے تن سلطان زمن پھول | Sar-Ta-Ba-Qadam Hai Tan-e-Sultan-e-Zaman Phool Lyrics in Urdu